હાલાકી:ઊનાના સનખડા ગામે એટીએમ મશીન બંધ થતાં લોકો પરેશાન

ઊનાના સનખડા ગામે આવેલ એસબીઆઇ બેંકનું એટીએમ મશીન છેલ્લા ધણા દિવસોથી બંધ હાલતમાં છે. જેના કારણે સ્થાનિક તેમજ આજુબાજુના 13 જેટલા ગામો માંથી આવતા બેંકના ગ્રાહકો હેરાન-પરેશાન થઇ રહ્યા છે. જોકે એટીએમ મશીન બેંકના અંદર હોવાથી બેંકના સમયે 11 થી 5 વાગ્યા સુધી ઉપયોગ થાય છે.

જ્યારે રાત્રીના સમયે અથવા તો જરૂરીયાત સમયે મશીન માંથી નાણા ઉપાડી શક્તા નથી. જેથી આ બાબતે ગ્રામજનો દ્વારા અવાર-નવાર બેંક મેનેજરને રજુઆતો કરવા છતાં આજ સુધી એટીએમ મશીન બેંકના બહાર મુકવામાં ન આવતા ગ્રાહકો પોતાના નાણા જરૂરીયાત સમયે લઇ શક્તા નથી. તેમ છતાં બેંકના જવાબદાર અધિકારીઓના પેટનું પાણી હલતું ન હોય તેવો ધાટ જોવા મળે છે. જેથી ગ્રાહકોનાન હિતને ધ્યાને રાખી એટીએમ મશીન તાત્કાલીક ચાલુ કરી બેંકના બહાર મુકવા ગ્રામજનોની ઉગ્ર માંગણી ઉઠવા પામેલ છે.