દુર્ઘટના:રહેણાંક મકાનમાં આગ લાગી, તમામ ઘરવખરી બળીને ખાખ

ગીરગઢડા તાલુકાના ફુલકા ગામે રહેણાંક મકાનમાં અચાનક આગ લાગતા મકાનમાં આગ લાગી હતી. આગ લાગતા ઘકમાં રહેલ ઘરવખરી સહિતની તમામ વિજવસ્તુઓ બળીને ખાખ થઈ હતી. ઘરમાં કોઈ હાજર ન હોવાથી જાનહાની ટળી હતી. ફુલકા ગામે રહેતા પુનાભાઇ કાળાભાઇ વંશનું કાચું નળીયા વાળુ રહેણાંક મકાન આવેલ છે. તેઓ મજુરી કામ કરી ઘરનું ગુજરાન ચલાવતા છે. વહેલી સવારે ઘરના સભ્યો ઘરમાં બહારથી તાળુ મારી મજુરી કામે ગયા હતા. ત્યારે અચાનક ઘરમાં કોઇ કારણોસર આગ લાગી હતી. આગે ધીમે-ધીમે વિકરાળ સ્વરૂપ ધારણ કરી લેતા ઘર માંથી આગના ધુમાળાના ગોટે-ગોટા બહાર ફેલાય જતાં આજુ-બાજુમાં રહેતા લોકોને ધ્યાને આવ્યું હતું.

જેથી તાત્કાલીક ગામ લોકોએ ઘર પાસે પહોંચીને પોતાના વાસણો લઈ પાણીનો મારો ચલાવી આગ પર કાબુ મેળવ્યો હતો. પરંતુ આગના કારણે ઘરમાં રહેલી તમામ ઘરવખરી જેમાં રોકડ રકમ, અનાજ, જરૂરી કાગળો, ઇલેક્ટ્રીક ચિજવસ્તુઓ આગમાં બળીને ખાખ થઇ ગયુ હતું. જોકે આગથી ઘર માલીકને રૂ.3 લાખ જેટલાનું નુકસાન થયું હોવાનું જાણવા મળેલ છે. જેથી પરિવાર આર્થિક મુશ્કેલીમાં મુકાતા ગામ લોકો દ્વારા આર્થિક મદદ પણ કરવામાં આવી છે. આગની ધટના બનતા ગ્રામ પંચાયતના સરપંચ, તલાટી મંત્રી અને ગીરગઢડા પોલીસને જાણ કરવામાં આવી છે.