કાર્યવાહી:નાઠેજ ગામે ખનીજ ચોરીના 3 શખ્સો સામે છેક 1 વર્ષ બાદ ગુનો નોંધાયો

ઊનાના નાઠેજ ગામે 1 વર્ષ પહેલા સરકારી ગૌચર જમીનમાં ગે.કા. પથ્થરની ખાણમાં ચકરડી મુકી ખનન થતું હોવાની બાતમી ગીર-સોમનાથ જિલ્લા ખાણ ખનિજને મળતા ખાણ પર દરોડા પાડી પથ્થર કાપવાની ચકરડી, ખનીજ સહીત મુદામાલ ઝડપી પાડ્યો હતો. જેમાં ખનીજ ચોરી કરનાર ત્રણ શખ્સો સામે પોલીસ ફરીયાદ નોધાય છે.

આ અંગેની પ્રાપ્ત વિગત મુજબ નાઠેજ ગામની સીમ વિસ્તારમાં આવેલ સરકારી ગૈચર જમીન સર્વે. નં. 191માં ગત 20 માર્ચ 2020ના રોજ ખનીજ ચોરી થતી હોવાની બાતમી આધારે મામલતદાર, સર્કલ ઓફિસર સહીતનાએ રેઇડ કરતા ગે.કા. ખનીજ પથ્થર કાઢી સપ્લાય કરવામાં આવતુ હોય. જેમાં પુછપરછ કરતા આ ગે.કા.ખનન મનુ દેવશી લાખણોત્રા, રાજશી માંડણ ચોહાણ રહે. નાઠેજ તેમજ ધીરૂ માંડણ ચોહાણ દ્વારા કરવામાં આવેલ હોય. જેમાં 3 ચકરડી, ખનીજ સહીત કુલ રૂ. 12,75,000ના મુદામાલ સાથે પકડી પડેલ હોય. જેની તપાસ દરમ્યાન આ ત્રણ શખ્સો વિરૂધ્ધ ગીર-સોમનાથ જિલ્લા ખાણ ખનીજ વિભાગના રોયલ્ટી ઇસ્પેક્ટર વિપુલકુમાર યોગી એ ત્રણ શખ્સો વિરૂધ ઊના પોલીસમાં ફરીયાદ નોધાવી હતી.