ખાખડી તૈયાર:ગીરમાં ખાખડીનું આગમન

તાલાલા સહિત ગીર પંથકના આંબાઓમાં ડિસેમ્બર માસમાં ફૂંટેલા મોરમાં થયેલ બંધારણની ખાખડી તૈયાર થઇ બજારમાં ધીમી આવક થવા લાગી છે. ગીર પંથકની આંબાવાડીઓમાં હાલ ખાખડી, જીણો મગિયો અને મોર સહિતના ત્રણ તબક્કાની સ્થિતી જોવા મળી રહી છે. ડિસેમ્બર માસમાં ફૂંટેલા મોર માટે વાતાવરણ સારૂ રહેતા બંધાયેલ મગિયામાં ખાખડી તૈયાર થવા લાગી છે.

ગીરના ગ્રામ્ય વિસ્તારોની આંબાવાડીઓમાંથી ખાખડીની આવક થવા લાગી છે. જે 400 રૂપિયાથી લઇ 700 રૂપિયા કિલોના ભાવે બજારમાં વેચેલ છે. ખાખડી ખાવાના શોખીનો ઉંચા ભાવે મળતી ખાખડી ખરીદે છે.