દુર્ઘટના:સુંદરપરા ફાટક પાસે 1 નું ઠંડીથી ઠુઠવાઈ જતા મોત

સુત્રાપાડા તાલુકાનાં સુંદરપરા ગામના ફાટક પાસે વેરાવળ કોડીનાર હાઇવે રોડ ઉપર એક અજાણ્યા પુરુષ મૃત હાલતમાં મળી આવેલ હતો. જેની જાણ સુત્રાપાડા પોલીસને કરતા પોલીસ તાત્કાલીક ઘટના સ્થળે પર પહોંચી હતી. અને લાશનો કબ્જો લઈ પોસ્ટ મોટમ માટે સુત્રાપાડાની સરકારી હોસ્પિટલ ખાતે ખસેડવામાં આવી હતી.

પ્રાથમિક માહિતી મુજબ વ્યક્તિને ઠંડી લાગવાને કારણે મૃત્યું પામ્યા હોય તેવું જાણવા મળેલ હતું. પરંતું આ અજાણ્યા પુરુષની બોડીની ઓળખ થયેલ નથી. ત્યારે હાલ મરણ જનાર વ્યક્તિની લાશને વેરાવળ સરકારી દવાખાનાના કોલ્ડ રૂમ ખાતે રાખવામાં આવેલ છે. પરંતું મૃત્યું પામનાર વ્યક્તિની કોઈ ભાળ મળી ન હતી.