વિરોધ પ્રદર્શન:દિવમાં ઈલેક્ટ્રિ સીટીનાં ખાનગીકરણ બાબતે મહિલાઓનું વિરોધ પ્રદર્શન

સંધપ્રદેશમાં છેલ્લા ઘણા સમયથી ઈલેક્ટ્રીક વિભાગને ખાનગીકરણ કરવાને લઈને લોકો દ્વારા વિરોધ પ્રદર્શન કરવામાં આવી રહ્યું છે. આજે દીવમાં પણ રાહુલ રાઠોડની આગેવાની હેઠળ વણાકબારા અને વાડી વિસ્તારની મહિલાઓએ દીવ કલેકટર કચેરી પહોંચી વિરોધ દર્શાવ્યો હતો. રાહુલ રાઠોડ અને મહિલાઓએ દિવ ઇન્ચાર્જ કલેક્ટર હરમિન્દર સિંહને આવેદન પત્ર આપ્યું હતું. જેમાં જણાવ્યું હતું કે જો ઈલેક્ટ્રીક સીટીનું ખાનગીકરણ કરવામાં આવશે તો ગરીબ લોકો અને માછીમારોને વધુ લાઈટ બીલ આવે જેથી તેઓને આર્થિક મુશ્કેલીનો સામનો કરવો પડશે, હાલ માછીમારો આર્થિક નુકસાનીઓથી લડી રહ્યા છે.

ગયા વર્ષ દરમિયાન ત્રણ વાવાઝોડા અને કોરોના મહામારીને લીધે લોકો પાયમાલ થઈ ચૂકયા છે. મહિલાઓએ દીવ પ્રશાસનને આજીજી કરી હતી કે વર્તમાનમાં જે ઈલેક્ટ્રીક સીટી ચાલી રહી છે તે યથાવત રાખવામાં આવે અને ખનગીકરણ ન કરવા રજુઆત કરતા ઇન્ચાર્જ કલેક્ટર હરમિન્દર સિંહએ તેઓની માંગને દીવ પ્રશાસન સુધી પહોંચાડવાનું આશ્વાસન આપ્યું હતું.