હાલાકી:વેરાવળ નગરપાલિકાની બાજુમાં જ ગટરો ઉભરાતા લોકો ત્રાહિમામ

વેરાવળ પાટણ સંયુકત નગરપાલિકાની બાજુમાં જ રાજેન્દભુવન રોડ પર સરકારી હોસ્પીટલની સામેની બાજુએ ગટરના ઉભરાતા પાણીથી સ્થાનિક વાસીઓ પરેશાન. આ ગટર પર દબાણ થતા અને તંત્ર દ્વારા ગટરની અંદર સાફ સફાઈ કરવામાં ન આવતા ગટરનું ગંદુ પાણી વારંવાર બહાર નીકળતા રોડ પર ફરીવળે છે. આ અંગે અવાર-નવાર સફાઈ કર્મીઓને તેમજ કચેરીમાં પણ રજુઆતો કરવામાં આવી છે. સફાઈ કર્મીઓ દ્વારા સફાઈ બરાબર ન થતા અને ખોટા બહાનાઓ બનાવી સફાઈ ન થતા ગટરનું ગંદુ પાણી રોડ ઉપર વધુ દુર્ગંધ ફેલાવી રાહદારીઓ તથા આજુ-બાજુના દુકાનદારોને મુશ્કેલી વેઠવી પડે છે.

તેમજ બાજુમાં સ્કુલ હોવાથી વિદ્યાર્થીઓ તથા હોસ્પીટલના દર્દીઓને ૫ણ નુકશાન કારક છે. હાલમાં આ દુર્ગંધવાળું પાણી મહામારીમાં પણ વધારો કરે તેવી શકયતાઓ છે. ગટરમાં પ્લાસ્ટીકનું વેસ્ટેજ મટીરીલ્સ વધુમાં પાણીને આગળ જતાં બંધ કરે છે. આથી ગટરના દબાણોને દુર કરી ખુલ્લી કરી તેમાં સાફ સફાઈ કરાવવા માંગ કરવામાં આવી છે.