જળસંકટ:વરસાદ ખેંચાતા ગિર-સોમનાથના ડેમ ખાલીખમ, હિરણ - 2 માં વેરાવળ, સુત્રાપાડાને 45 દિવસ આપી શકાય એટલું પાણી

વરસાદ ખેંચાયો છે. દિવસો વિતી રહ્યા છે. સત્તાવાર રીતે અત્યારે ભર ચોમાસા બાદ સરવડાંનો સમય છે. આ સમયે નદી-નાળાં બે કાંઠે વહેતા હોવા જોઇએ. એને બદલે ખાલીખમ છે. આજ સ્થિતી વેરાવળ અને સૂત્રાપાડાના લોકોને પીવાનું પાણી પૂરું પાડતા જળાશયોની છે. ગિર-સોમનાથ જિલ્લાની જીવાદોરી સમા જળાશયોમાં ગણત્રીના દિવસ ચાલે એટલુંજ પાણી છે. ગિર-સોમનાથ જિલ્લાના સિંચાઇ કાર્યપાલક ઇજનેર અરવિંદ પી. કલસરિયા કહે છે, જો વરસાદ નહીં થાય તો જળસંકટ તોળાવાની ભિતી છે.

આજની તારીખે હિરણ-2 ડેમમાં માત્ર 45 દિવસ સુધી જ આપી શકાય એટલું પાણી છે. ગત વર્ષે તા. 10 ઓગષ્ટ 2020 ના રોજ હિરણ-2 માં 100 ટકા પાણી હતું. અને આજે તા. 10 ઓગષ્ટ 2021 ના દિવસે માત્ર 4.45 ટકા બચ્યું છે. આટલું પાણી આગામી 45 દિવસ સુધી ચાલે. એટલા દિવસોમાં વરસાદ પડી જવો જોઇએ. હિરણ-2 ને સૌની યોજના સાથે જોડાવાનું કામ ગતિમાં છે. જેનુ ટેન્ડરીંગ પણ થઈ ચૂક્યું છે. આ ડેમ તેની સાથે જોડાતાં નર્મદાનું પાણી પણ મળતું થશે.

જે અંગેની લીંક-4 યોજનાનો ત્રીજો તબક્કો ચાલી રહ્યો છે.આ અંગે વધુમાં મદદનીશ અધિકારીઓ એસ. જે. ગાધે અને એમ. બી. સિંધલના કહેવા મુજબ, જો આગામી દિવસોમાં વરસાદ ખેંચાશે તો પાણીની અછત સર્જાશે. શહેરમાં વરસાદ ભલે થોડોઘણો થયો. પણ તેનુ બધું પાણી દરિયામાં વહી ગયું છે. જો જુલાઇમાં ગીર અને તેના ગામોમાં ધોધમાર વરસાદ પડ્યો હોત અને ઓગસ્ટમાં પણ ચાલુ રહ્યો હોત તો ડેમો છલકાઈ જાત. અને પાટિયા ખોલવાથી નદી-નાળામાં પાણી વહેતા હોત.

હિરણ-2માંથી પાણી ઉપાડતી સંસ્થા

10 ઓગષ્ટ 2020 અને 10 ઓગષ્ટ 2021 ની સ્થિતી