વિવાદ:હા અમે નોનવેજ ખાધું, પણ દારૂ નહોતો પીધો, ગીરગઢડા સીએચસીની અગાશી પર 108 ના પાયલટની નોનવેજ પાર્ટીના ફોટા વાયરલ

ઊના17 દિવસ પહેલા
  • કૉપી લિંક

ગીરગઢડા સીએચસીની અગાશી પર 108 ના પાયલોટે નોનવેજની પાર્ટી કરી હોવાના ફોટા વાયરલ થયા હતા. આથી જવાબદાર અધિકારી દ્વારા તપાસ કરી પગલાં લેવા માંગ ઉઠી છે. ગીરગઢડા 108 પાયલોટ તરીકે ફરજ બજાવતા ધનસુખભાઇ વાજાએ થોડા દિવસ પહેલાં ગીરગઢડા સીએચસી કેન્દ્રની અગાશી પર મિત્રો સાથે નોનવેજ પાર્ટીનું આયોજન કર્યું હતું. એ વખતે તેઓ કોઇની શેહશરમ રાખ્યા વિના મિજબાની માણી રહ્યા હોવાના ફોટા વાયરલ થયા છે.

ત્યારે સવાલ એ ઉઠ્યો છે કે, ગીરગઢડા સીએચસી અગાશી પર આ મિજબાની ચાલી રહી હતી. ત્યારે સીએચસીનો સ્ટાફ અજાણ હતો કે પછી આ મિજબાનીમાં સહભાગી હતો એવો સવાલ પણ ઉઠ્યો છે. બીજી તરફ 108 માં પાયલોટની જવાબદારી મહત્વની હોય છે. ત્યારે આ પાર્ટીમાં શરાબનું સેવન થયાની ચર્ચા પણ ઉઠી છે. સાચી હકીકતની તો તટસ્થ તપાસ થાય તો સત્ય બહાર આવે. અત્યારે તો ગીરગઢડા સીએચસીની અગાશીની પાર્ટી ચર્ચાનો વિષય બની છે.

પાર્ટીમાં દારૂ ન હતો, મચ્છીજ ખાધી હતી: પાયલોટ
આ અંગે 108 ના પાયલટ ધનસુખ વાજાએ કહ્યું હતું કે, એ દિવસે અમે મચ્છી ખાધી હતી. પણ દારૂની પાર્ટી કરી નહોતી.

તપાસ કરી પગલાં લઇશ: જિલ્લા અધિકારી
મારા લેવલે 100 ટકા તપાસ કરી પગલાં ભરીશ. બની શકે તો આ ઘટનાના સમાચાર પ્રસિદ્ધ ન કરો તો વધુ સારૂં. પાર્ટી કરી હોય તો તેમાં બધું આવી જતું હોય. આમ છતાં પણ તપાસ કરી પગલા ભરાશે. - યુવરાજસિંહ ઝાલા, 108 જિલ્લા અધિકારી

અન્ય સમાચારો પણ છે...