હુમલો:ડારી ગામે ફોર વ્હીલરમાં બાઈકની ટક્કર લાગતા 9 શખ્સોએ હુમલો કર્યો

વેરાવળ તાલુકાના ડારી ગામે ફોર વ્હીલરમાં મોટર સાયકલનું હેન્ડલ અડી ગયેલ હોય તે બાબતે બોલાચાલી કરી ફોર વ્હીલ રસ્તામાં કેમ રાખો છો? તેમ કહી નવ શખ્સોએ હથીયારો વડે એક મહિલા સહીત 3 લોકોને માર મારેલ હોવાની ફરીયાદ પોલીસમાં નોંધાયેલ છે. ડારી ગામે રહેતા મહમદ ઇબ્રાહીમ આકાણી ઉ.વ.21ની દુકાને તેમના કાકા હાજીભાઇ બેસેલ હતા. તે સમયે યુસુફ હાજી ઉર્ફે મુંજી જીકાણી તેની મોટર સાયકલ લઇને નીકળેલ તેનું હેન્ડલ હાજીભાઇની ફોર વ્હીલરને અડી ગયેલ હોય તેથી યુસુફ હાજીએ મહમદ આકાણીની દુકાને જઇ ફોર વ્હીલ કેમ રસ્તામાં આડી રાખો છો રસ્તો તમારા બાપનો છે? તેમ કહી,

મહમદ તથા તેના કાકા હાજીભાઇને બીભત્સ શબ્દો બોલતા ગાળો દેવાની ના પાડતા યુસુફ હાજી ઉર્ફે મુંજી જીકાણી, અબ્દુલ હાજી ઉર્ફે મુંજી જીકાણી, અસરફ ઇબ્રાહીમ લાડીયા, કાદર ઇબ્રાહીમ લાડીયા, અસ્લમ કાસમ મુસાણી, હુસેન નુરા ભરાણીયા, મહમદ ડોસા મુસાણી, હસન અબ્દુલ લાડીયા,કાદર મુંજી જીકાણી એક સંપ કરી લાકડી, કુહાડી જેવા હથીયારો ધારણ કરી મહમદ તથા તેના કાકા હાજીભાઇ અને કાકી એમણાબેન પર હુમલો કરતા ગંભીર ઇજા પામતા હોસ્પીટોલમાં સારવાર ખર્થે ખસેડેલ છે. મહમદ આકાણી એ હુમલાખોર 9 ઈસમો સામે પોલીસમાં ફરીયાદ નોંધાવી છે.