નિર્ણય:વેરાવળમાં આગામી સમયમાં મેડીકલ કોલેજ શરૂ કરાશે

સોમનાથ ભુમિ પર મેડીકલ કોલેજ શરૂ કરવા માટે જિલ્લામંથક વેરાવળની સીવીલ હોસ્પિટલને અપગ્રેડ કરી જી.એમ.ઇ.આર.એસ. હેઠળ સમાવવા માટેનો ઠરાવ મંજુર કરી રાજ્ય સરકારે જિલ્લાવાસીઅોને ભેટ અાપતો નિર્ણય કર્યો છે. ગીર સોમનાથ અને જુનાગઢ (સોરઠ)ના સાંસદ રાજેશભાઇ ચુડાસમા ઘણા સમયથી જિલ્લા મથક વેરાવળમાં મેડીકલ કોલેજ શરૂ કરવા માટે જરૂરી કાર્યવાહી કરી મંજૂરી અાપવા મુખ્યમંત્રી વિજયભાઇ રૂપાણી અને અારોગ્ય મંત્રી નિતીનભાઇ પટેલ સહિતનાને સક્રીયતાથી વારંવાર લેખીત-મૌખીક રજુઆતો કરી રહ્યા હતા.

જેને ઘ્યાને લઈ તાજેતરમાં રાજ્ય સરકારે 24 ડીસેમ્બર 2020ના ઠરાવથી ગીર સોમનાથના જિલ્લામથક વેરાવળ ખાતે મેડીકલ કોલેજ શરૂ કરવાના કામને સેઘ્ઘાંતીક મંજુરી અાપી છે. જેમાં વેરાવળમાં આવેલ સીવીલ હોસ્પીટલને અપગ્રેડ કરી જી.એમ.ઇ.આર.એસ. હેઠળ સમાવેશ કરવાના ઠરાવથી મંજુર કરાયું છે. વેરાવળ શહેરને મેંડીકલ કોલેજ મળતા જિલ્લા વાસીઓમાં આનંદની લાગણી પ્રસરી છે.