વિરોઘ:કૃષિ કાયદાના વિરોધમાં કોડીનાર ખાતે રસ્તા રોકો આંદોલન કરાશે

હાલ દેશભરમાં ખેડુતો દ્વારા કૃષિ બિલના વિરોધમાં વિવિધ શહેરોમાં વિરોઘ પ્રદર્શન ચાલી રહ્યા છે. ત્યારે કોડીનાર રાષ્ટ્રીય કિશાન મોરચા તથા કિશાન એકતા સમિતિ દ્વારા શિનિવારના રોજ બપોરે 11 કલાકે કોડીનાર બાયપાસ ચોકડી પાસે રસ્તા રોકો આંદોલન શરૂ કરવામાં આવનાર છે. કાળા કાયદાના વિરોધમાં સયુક્ત કિશાન મોરચા દ્વારા દેશ ભરમાં પ્રદર્શન થઈ રહ્યા છે.

જેમાં રાષ્ટ્રીય કિશાન મોરચા તેમજ કિશાન એકતા સમિતિ દ્વારા સમર્થન આપી ખેડુતોના હિત માટે પ્રદર્શન કરવામાં આવી રહ્યુ છે. જેમાં ગીર-સોમનાથ જિલ્લાના ખેડૂતો યુવાનો, મહિલાઓ દ્વારા આહવાન કરવામાં આવ્યું છે. જેથી આગામી 6 જાન્યુંઆરીના રોજ 11 કલાકે વેરાવળ હાઇવે બાયપાસ ચોકડી કોડીનાર ખાતે કિશાન મોરચા તેમજ કિશાન એકતા સમિતિ દ્વારા સયુકત વાહન રોકો આંદોલન શરૂ કરવામાં આવશે તેમ જણાવ્યું હતું.