દુર્ઘટના:રૂપાવટીમાં સિલિન્ડરમાં આગ

દશેરાના દિવસે જ ઘોડું ન દોડ્યું. તેવો ઘાટ જોવા મળ્યો. ત્યાર બાદ બિજુ ફાયર ફાયટર આવ્યુ. ગારિયાધારનાં રૂપાવટી ગામનાં પોપટભાઈ પ્રાગજીભાઈ મૂંજપરાનાં ઘરે ગેસ સિલિન્ડરમાં આગ લાગતાં ઘરવખરી બળીને ખાખ થઈ ગઈ હતી. તેમના ઘરે સવારમાં ચા બનાવવા જતાં ગેસ સિલિન્ડર ચાલુ કરતાં જ ગેસ સિલિન્ડરમાં એકા એક આગ લાગી જતાં ઘરમાંથી તેમનો પરિવાર ઘરની બહાર નીકળી ગયો હતો. અને ઘરમાં રહેલી વસ્તુઓ બળીને ખાખ થઈ હતી.

સદનસીબે કોઈ મોટી જાનહાની થઇ ન હતી. જયારે ગારિયાધાર નગરપાલિકાનાં ફાયર ફાઇટરને જાણ કરતાં ફાયર ફાઈટર રૂપાવટી જવાના રસ્તે અધવચ્ચે બંધ પડી ગયું હતું. જયારે બીજુ ન.પા. નું ફાયર ફાઇટર રૂપાવટી ગામે પહોંચ્યું હતું. અને આગ ને કાબુમાં કરવાની કોશિશ કરી હતી. જયારે ગામની પ્રાથમિક શાળાના શિક્ષકોને આગની જાણ થતાં શાળામાં રહેલ ફાયર સેફટીનાં સાધન દ્વારા શિક્ષકોએ આગને કાબુમાં કરી હતી. જયારે ન.પા. નું ફાયર ફાઇટર દશેરાના દિવસે જ ઘોડું ન દોડ્યું તેવો ઘાટ ઘડાયો હતો.