કોરોના વેક્સિનેશન:દીવમાં કોરોના રસીકરણનો પ્રારંભ, 200 લોકોને 2 વખત ડોઝ અપાશે

સંઘપ્રદેશ પ્રશાસનના ગઈકાલથી દિવ શહેરમાં કોરોના રસી આપવાની શરૂઆત કરવામાં આવી છે. જેમા આરોગ્ય વિભાગ દ્વારા સરકારી હોસ્પિટલ ખાતે સો પ્રથમ હેલ્થ વર્કરોને કોરોના વેક્સીન આપવામાં આવી હતી. ત્યારબાદ દિવ જિલ્લા કલેકટર સલોની રાયએ પણ કોરોના રસીકરણ સેન્ટરની મુલાકાત મુલાકાત લઈ અને માહિતી મેળવી હતી.

દેશમાં કોરોના વેકસીનેશનની પ્રક્રિયા છેલ્લા ઘણા સમયથી શરૂ કરવામાં આવી છે. ત્યારે દિવ સરકારી હોસ્પિટલ ખાતે સવારે 09:30 કલાક થી કોરોના વેકસીન આપવાની શુંભ શરૂઆત કરવામાં આવી હતી. જેમાં કુલ 440 કોરોના વેકસીન આવેલી છે જેમાં થી આશરે સો પ્રથમ 200 જેટલા લોકોને બે વખત ડોઝ આપવામાં આવશે તેમ આરોગ્ય વિભાગે જણાવ્યું હતું.