લોકડાઉન:ઉદવાડાની શાળામાં જુગાર રમતાં માજી સરપંચ સહિત 6 ઝડપાયા, ધગડમાળમાં પણ 7 જુગારિયા સાથે કુલ 9 હજારનો મુદ્દામાલ કબજે

ધગળમાળગામે નિશાળ ફળિયામાં લોકડાઉનમાં જુગાર રમતા હોવાનો મેસેજ કંટ્રોલ રૂમમાં જતા મંગળવારે સાંજે પોલીસે છાપોમારીને 8 લોકોને ઝડપી લીધા હતા. જ્યારે ઉદવાડા પ્રાથમિક શાળામાં જુગાર રમતાં માજી ડેપ્યુટી સરપંચ સહિત 6 લોકો ઝડપાયા હતા.  પારડી પોલીસે ધગડમાળગામે નિશાળ ફળિયામાં જુગાર રમતા ગુલાબ લક્ષ્મીભાઈ પટેલ, ઈશ્વર ઉત્તમ પટેલ, સુરેશ શુકકરભાઈ પટેલ, સચિન જીતુ પટેલ, વસંત ચમાર પટેલ, દિલીપ અમરત પટેલ, જીતુ ગમનભાઈ પટેલ તમામ રહે ધગડમાળ, નિશાળ ફળિયાને ઝડપી લીધા હતા. પોલીસે જુગારની રેડ દરમિયાન 810 રૂપિયા કબ્જે લીધા હતા. ઉદવાડાના માંગેલવાડ સ્થિત પ્રાથમિક શાળામાં જુગાર રમાતો હોવાની બાતમીના પગલે પીએસઆઇ એસ.બી.ઝાલા અને તેમની ટીમે રેઇડ કરીને ગામના માજી ડેપ્યુટી સરપંચ દિનકર ધનજી ટંડેલ અને કરણ મહેશ ભંડારી, સંજય રમણભાઇ પટેલ, કમલેશ દયારામ પટેલ, મહેશ ભગુભાઇ પટેલ, નિમેષ બળવંતરાય પટેલની ધરપકડ કરી હતી. પોલીસે તેમની પાસેથી જુગારમાં રાખેલા 240 રૂપિયા તથા 6 મોબાઇલ મળીને કુલ 8,625નો મુદ્દામાલ કબજે લીધો હતો.