વાતાવરણ:વટવા, અંકલેશ્વરને પણ વાપીના હવા પ્રદૂષણની ઓવરટેક: AQI 255 થયો

વાપીમાં શિયાળાના પ્રારંભ સાથે હવા પ્રદૂષણમાં વધારો થઇ રહ્યો છે. શિયાળાના પ્રારંભના દિવસોમાં વાપી જીઆઇડીસી વિસ્તારમાં એર કવોલિટી ઇન્ડેક્ષ (એકયુઆઇ) 200ની અંદર આવતો હતો, પરંતુ હાલ સ્થિતિ બદલાઇ છે. શનિવારે વાપી સેન્ટ્રલ ઓફ એકસીલન્ટ ખાતે કાર્યરત એર મોનિટરિંગના ડેટા મુજબ જીઆઇડીસી વિસ્તારમાં એકયુઆઇ 255 સુધી પહોંચ્યો હતો. એટલે કે હવા પ્રદૂષણમાં વધારો નોંધાયો છે. મહત્વની વાત છે કે હજુ કડકડતી ઠંડીની શરૂઆત થઇ નથી. અતિશય ઠંડી હજુ પડવાની બાકી છે.તે પૂર્વે જ હવા પ્રદૂષણમાં વધારોે થતાં આગામી દિવસોમાં સ્થિતિ હજુ ખરાબ થવાની પુરેપુરી સંભાવના છે. એકયુઆઇ 255 પર પહોંચતાં શ્વાસની બિમારીથી પિડાતા લોકોને તેની અસર થઇ શકે તેવું તબીબનો અભિપ્રાય છે. જેથી શિયાળામાં પ્રદૂષણ ઓકતા એકમો સામે જીપીસીબીની ટીમ મોનટિરંગ કરી કાર્યવાહી કરે તે જરૂરી છે. જોકે ઠંડી વધવાથી હવા પ્રદૂષણ પણ વધશે.

વટવામાં 243- અંકલેશ્વરમાં 147 AQI

ક્રિટિકલ પોલ્યુટેડ એરિયામાંથી બહાર આવ્યા બાદ પણ કેટલાક શહેરો પ્રદુષણના મુદ્ે ચર્ચામાં રહે છે. શનિવારે વાપીનો એ કયુ આઇ 255 હતો.જેની સાથે વટવાનો એ કયુ આઇ 243 હતો. જે વાપીની નજીક જેટલો હતો. જયારે અંકલેશ્વરનો એ કયુ આઇ 147 હતો. એટલે કે શનિવારે વટવા,અંકલેશ્વર કરતાં પણ વાપીમાં હવા પ્રદુષણ વધુ હતું.