તમારા શહેરના લેટેસ્ટ સમાચાર અને ફ્રી ઈ-પેપર મેળવો

Install App
  • Gujarati News
  • Local
  • Gujarat
  • Valsad
  • Vapi
  • Two Bitcoin Scammers Arrested In Italy For Transferring Rs 17 Lakh From Daman's Event Management Manager's Account Under The Pretext Of Organizing A Wedding

Adsથી પરેશાન છો? Ads વગર સમાચાર વાંચવા ઈન્સ્ટોલ કરો દિવ્ય ભાસ્કર એપ

કાર્યવાહી:ઇટાલીમાં લગ્ન ઓર્ગેનાઇઝના બહાને દમણના ઇવેન્ટ મેનેજમેન્ટ સંચાલકના ખાતામાંથી 17 લાખ ટ્રાન્સફર કરી બિટકોઇન ખરીદનારા બે ભેજાબાઝ ઝડપાયા

વાપીએક મહિનો પહેલા
  • કૉપી લિંક
  • આરોપીએ ટીમ વ્યુવર્સ એપ ડાઉનલોડ કરીને યુવકને મોબાઇલ ગિફ્ટ કર્યો, 5હજાર ટ્રાન્સફર કરવાનું કહીને ખાતું ખાલી કરી દીધું

દમણમાં ઇવેન્ટ મેનેજમેન્ટ ચલાવતા યુવકને મુંબઇના બે ઇસમોએ ઇટાલીમાં લગ્ન ઓર્ગેનાઇઝ કરવું છે કહી સંપર્ક વધાર્યા હતા. થોડા સમય બાદ બંને ઇસમે યુવકને ટીમ વ્યુર્સ એપ ડાઉનલોડ કરેલો મોબાઇલ ભેટ કર્યો હતો. વિશ્વાસ સંપાદન કર્યા બાદ વિઝા પ્રોસેસ માટે 5 હજાર રૂપિયા ખાતામાં ટ્રાર્ન્ઝેકશન કરવાનું કહીને મોબાઇલમાં આવેલા ઓટીપી અને પિન નંબર મેળવીને ગણતરીના સમયમાં જ ઇવેન્ટ મેનેજમેન્ટ કરનારા યુવકના ખાતમાંથી અંદાજે 17 લાખ રૂપિયા ટ્રાન્સર્ફર કરી દેવાયા હતા. બેંક એકાઉન્ટ અને ટ્રાંજેક્શન થકી તેમણે ઓનલાઇન અલગ અલગ વેબસાઇટથી યુવકના ખાતામાંથી રૂપિયા ઉપાડી તે રૂપિયાથી બિટકોઇનની ખરીદી કરી લીધી હતી. બંને આરોપીઓને દમણ પોલીસ મુંબઇથી પકડી લાવી આગળની કાર્યવાહી હાથ ધરી છે.

દમણમાં એજે71 ઇવેન્ટ મેનેજમેન્ટ નામક એક કંપની ચલાવનાર વ્યક્તિએ 10 જાન્યુઆરીના રોજ નાની દમણ પોલીસ સ્ટેશનમાં ફરિયાદ નોંધાવી હતી કે, તેના એકાઉન્ટમાંથી રૂ.16.09લાખ તેમની જાણકારી વિના કોઇ અજાણ્યા વ્યક્તિએ ટ્રાન્સફર કરી લીધા છે. પોલીસ પૂછપરછમાં ફરિયાદીએ જણાવેલ કે, બે ઇસમો ઇવેન્ટને લઇ તેમની પાસે આવ્યા હતા અને ઇટાલીમાં એક મેરેજ ઇવેન્ટ કરાવવું છે કહી વેપારી સાથે તેમણે ગાઢ મિત્રતા કરી હતી. જે બાદ વધુ સંપર્કમાં આવતા તેમણે વેપારીને એક મોબાઇલ ભેંટ કર્યો હતો.

આ મોબાઇલમાં અગાઉથી જ ટીમ વ્યુવર્સ નામક એપ ડાઉનલોડ કરી દીધી હતી જેથી કરીને ફરિયાદી મોબાઇલમાં કંઇપણ ઓપરેટ કરે તે અન્ય મોબાઇલમાં જાણી શકાય. આખરે ગઠિયાઓએ વિઝા પ્રોસેસ કરવા માટે 5 હજાર રૂપિયા ઓનલાઇન ખાતામાં ટ્રાન્સફર કરવા માટે કહ્યું હતું.

ઓનલાઇન ટ્રાન્સફર વખતે જનરેટ થયેલી પિન અને ઓટીપી લઇને તેમના બેંક એકાઉન્ટમાંથી અંદાજે 17 લાખ રૂપિયા ટ્રાન્સફર થઇ ગયા હોવાનું જાણવા મળ્યું હતું. પોલીસે વેપારીના બેંક એકાઉન્ટ અને ટ્રાંજેક્શન ડિટેઇલ્સની ચકાસણી કરી તો જાણ થઇ કે, ઓનલાઇન ગેટવેના ઉપયોગ કરી અલગ અલગ વેબસાઇટની મદદે આરોપીઓએ ઉપાડેલા રૂપિયાથી બિટકોઇનની ખરીદી કરી લીધી હતી.

જેથી આ કેસની ગંભીરતા જોઇ ડીઆઇજીપી ડીએનએચ અને દમણ દીવ વિક્રમજીત સિંહના દિશાનિર્દેશ તથા પોલીસ નિરીક્ષક સોહીલ જીવાણીના માર્ગદર્શન હેઠળ એક ટીમ બનાવી તપાસ શરૂ કરાઇ હતી. આરોપીઓ અંગે કોઇ માહિતી ન હોવા છતાં પોલીસે સંશાધન અને બાતમીદારોની મદદે સતત એક માસની મહેનતથી તે અંગે વધુ માહિતી મેળવી આખરે બંને આરોપીની મુંબઇથી ધરપકડ કરી વધુ તપાસ હાથ ધરી છે.

આરોપીએ પોતાની ઓળખ ન થાય એટલે પાંચ હજાર આપી બે ઇસમોના બેંક ખાતા ખોલાવ્યા હતા
માસ્તર માઇન્ડ મુંબઇના શાહિલ મોરજરિયા અને કિશન નગરદાસ બોકાનીએ દમણમાં એક રિક્ષાચાલક અને ટ્રાઈસિકલ ઉપર જાહેરાત કરનારા સામાન્ય માણસને પોતાની સાથે બિઝનેસ કરવાનો લોભ અને 5હજાર રૂપિયા આપીને નવા બેંક એકાઉન્ટ ખોલાવ્યા હતા. જોકે, બેંક એકાઉન્ટ ખોલવનારા બંને ઇસમોને પણ પોતાની મૂળ ઓળખ છૂપાવી હતી. જેથી પોલીસ પહોંચી શકે નહિં.

સાયબર ક્રાઇમમાં વપરાયેલ સંશાધનો
એપ્લિકેશન ગેટવેવઝીર એક્સ, ઝેબ પે, કોલીડેક્સ, ઇલેક્ટ્રોનિક વોલેટ તથા લેપટોપ, પેનડ્રાઇવ, મોબાઇલ, સિમકાર્ડ, ડુપ્લિકેટ આઇકાર્ડ, સ્ક્રુ ડ્રાઇવર, સીઝર અને બેંક એકાઉન્ટ પાસબુક તેમજ ચેક બુકો કબજે કર્યો છે.

ઓળખ છૂપાવી પબ્લિક ટ્રાન્સપોર્ટ વાપરતા
આરોપીઓ બોગસ ઓળખ પત્ર, મોબાઇલ નંબર વાપરતા હતા. કોઇ પણ જગ્યાએ પોતાની કારમાં યાત્રા કરતા ન હતા. ઓટો રિક્ષા કે ટેક્સી વાપરતા હતા. આરોપીઓ ડાર્ક વેબ પર જઇ પ્રાઇવેટ વોલેટ અને રિમોટ એક્સેસ એપ્લિકેશન, બોગસ મેલ આઇડીથી ખાતામાંથી રૂપિયા ઉપાડી બિટકોઇનની ખરીદતા હતા. બિટકોઇનને ઇંડિયન કરેંસીમાં ફેરવવા અન્ય વ્યક્તિનો એકાઉન્ટ વાપરતા હતા.

બંને આરોપીઓ મુંબઈથી ઝડપાયા
આરોપી શાહિલ મંગલદાસ મોરજરિયા ઉર્ફે રાજીવ કનકીયા ઉર્ફ શૈલેષ રમન મહેતા ઉર્ફે જીગ્નેશ હસમુખ શાહ ઉ.વ.37 રહે.ફ્લાન્ટો એ-143, જૈન મંદિર પાસે કાંદિવલી મુંબઇ અને કિશન નગરદાસ બોકાની ઉર્ફે અશોક જોશી ઉર્ફે રાજેશ રમેશ જવેરી ઉર્ફે વિશાલ હસમુખ શાહ ઉ.વ.47 રહે.ફ્લેટ નં.502 રિદ્ધીસિદ્ધિ બિલ્ડીંગ બોરીવલી મુંબઇ દમણ પોલીસના હાથે ઝડપાયા હતા.

નવસારી સહિત 4 શહેરમાં ઠગાઈ કરી હતી
દમણ પોલીસે ડુપ્લીકેટ આઇડી કાર્ડ, પેન કાર્ડ, આધારકાર્ડ, એટીએમ, મોબાઇલ 4, રોકડા રૂ.1,01,000 અને લેપટોપ તથા સુપર પ્રો નોટબુક કબજે લીધા હતા. અગાઉ તેઓ પુણે, રાજસ્થાન, નવસારી અને અમદાવાદમાં પકડાઇ ચૂક્યા છે.

અન્ય સમાચારો પણ છે...

    આજનું રાશિફળ

    મેષ
    Rashi - મેષ|Aries - Divya Bhaskar
    મેષ|Aries

    પોઝિટિવઃ- આ સમયે ગ્રહ સ્થિતિ તમારા માટે સારી પરિસ્થિતિઓ બનાવી રહી છે. વ્યક્તિગત તથા પારિવારિક ગતિવિધિઓ પ્રત્યે વધારે ધ્યાન કેન્દ્રિત રહેશે. બાળકોની શિક્ષા અને કરિયરને લગતા મહત્ત્વપૂર્ણ કામ પણ આજે સંપન...

    વધુ વાંચો