તમારા શહેરના લેટેસ્ટ સમાચાર અને ફ્રી ઈ-પેપર મેળવો

ડાઉનલોડ કરો

દુર્ઘટના:નાસ્તો કરવા ઉભેલા બે ને ઉડાવી ટ્રક ચાલક ફરાર, વેલસ્પન કંપનીના બે કર્મીને ઇજા પહોંચી

વાપીએક મહિનો પહેલા
  • કૉપી લિંક
પ્રતીકાત્મક તસ્વીર - Divya Bhaskar
પ્રતીકાત્મક તસ્વીર

વાપી મોરાઇની વેલસ્પન કંપનીમાં નોકરી કરતા બે કર્મીઓ નાસ્તા કરવા માટે રોડની સાઇડમાં ઉભા હતા. તે સમયે વટાર તરફથી આવી રહેલા ટ્રકના ચાલકે બંનેને ટક્કર મારતા સારવાર માટે તેઓ હોસ્પિટલમાં ખસેડાયા હતા. વાપીના સલવાવ ખાતે રહેતા અને મોરાઇ વેલસ્પન કંપનીમાં સ્ટોર વિભાગમાં નોકરી કરતા અજયરામકુમાર યાદવ ઉ.વ.43 શુક્રવારે ઘરે હાજર હતા. તે સમયે સુપરવાઇઝરે ફોન પર જણાવેલ કે, ગાડીમાંથી ખાલી કરવા કંપની ઉપર આવી જાઓ.

જેથી અજયે સાથે કામ કરતા દિપક શહાદત દેવનાથ રહે.બલીઠા ને ફોન કરી સાથે જવાનું છે કહી બંને મોરાઇગામ પહોંચ્યા હતા. કંપની સામે દુકાન ઉપર નાશ્તો કરવા માટે બંને રોડની સાઇડમાં ઉભા હતા. તે સમયે વટાર તરફથી એક ટ્રકચાલક ગાડી પૂરઝડપે હંકારી લાવી બંનેને ટક્કર મારી ફરાર થઇ ગયો હતો. બંને ઇજાગ્રસ્તને હોસ્પિટલમાં ખસેડાયા હતા. પોલીસે ફરાર ટ્રકચાલક સામે ગુનો નોંધી તપાસ હાથ ધરી છે.

અન્ય સમાચારો પણ છે...