આવિશ્કાર:દમણ પોલીટેકનીક કોલેજના વિદ્યાર્થીઓએ સોલાર પેનલથી ચાલતી સાયકલ બનાવી

વાપી19 દિવસ પહેલા
  • કૉપી લિંક
  • 12 વોટની બે બેટરીથી સંચાલિત સાયકલ ચાર્જ થયા બાદ 15 કિમી સુધીની ક્ષમતા

પેટ્રોલ અને ડિઝલના ભાવો દિન પ્રતિદિન વધી રહ્યા છે એવા સંજોગમાં સરકાર પણ ઇલેકટ્રિક વ્હીકલ્સનો ઓપ્શન શોધી રહી છે અને પ્રોત્સાહિત કરી રહી છે. આ સંજોગમાં દમણની સરકારી પોલિટેકનીક કોલેજમાં મેકેનિકલ એન્જિનિયરીંગના અંતિમ વર્ષમાં અભ્યાસ કરતા વિદ્યાર્થીઓએ પ્રોજેક્ટના ભાગરૂપે વેસ્ટ મટીરીયલ્સમાંથી સોલાર પેનલ ચાર્જીંગ ઇલેક્ટ્રિક સાયકલનું વર્કિંગ મોડેલ બનાવ્યું છે. આ બાયસિકલ 12 વોટની બે સેલ બેટરીથી ચાલે છે. જેમાં 140 વોટ રેટિંગની સોલાર પેનલની મદદથી બેટરી ચાર્જ થાય છે. ફૂલ ચાર્જ થયા બાદ બાયસિકલ 15 કિલો મીટર જેટલું અંતર કાપી શકે છે.

સાયકલમાં 20 વોટ રેટિંગની એક નાની સોલાર પેનલ પણ પાછળ ફીટ કરી છે. જે થકી સાયકલમાં ફીટ કરેલી બેટરી સતત ચાર્જ થતી રહે છે. સાઈકલની બેટરી કોઈ સંજોગમાં ઉતરી જાય તો સામાન્ય સાયકલના જેમ પેંડલ મારી ચલાવી શકાય છે. સોલાર સાયલકનું નિર્માણ કોલેજના પ્રોફેસર ચંદ્રકાંત ટંડેલના માર્ગદર્શનમાં વિદ્યાર્થીઓના ગ્રુપ લીડર ધ્યેય પટેલ દ્વારા કરવામાં આવ્યું છે. કોલેજના એચઓડી ટી. બાલાગનેસન, ટેકનિકલ સચિવ નિયામક ડૉ. સુહાસ પાટીલ, કોલેજના આચાર્ય તથા અન્ય સ્ટાફ સભ્યોએ વિદ્યાર્થીઓને શુભેચ્છા પાઠવી છે.

સોલાર સાયકલમાં અનેક સુવિધા મુકાય
સોલાર સાયકલની સ્પીડ એક સામાન્ય સાયકલની ગતિથી જ ચાલે છે. તેમ છતાં જો સ્પીડ વધે તો ઈલેક્ટ્રોનિક થ્રોટલથી તેને નિયંત્રિત કરી શકાય છે. બ્રેકિંગ માટે પણ મિકેનિકલ ઇલેક્ટ્રીક બ્રેક લગાવી છે. જે થકી સાઈકલ તુરંત નિયંત્રણમાં આવે છે. વિદ્યાર્થીઓ દ્વારા નિર્મિત સોલાર સાયકલમાં એલઈડી હેડલાઈટ, હોર્ન, બેટરી લેવલ ઈન્ડિકેટર અને એક કી સ્ટાર્ટ અપ સ્વીચની પણ સુવિધા અપાઈ છે.

અન્ય સમાચારો પણ છે...