કોરોના અપડેટ:દમણમાં 15 દિવસથી કોરોનાનો એક પણ કેસ નહિ, દાનહમાં પણ હવે માત્ર 3 એક્ટિવ કેસ

સંઘપ્રદેશ દમણમાં છેલ્લા 15 દિવસથી કોરોના પોઝિટિવનો નવો એકપણ કેસ ન નોંધાતા તંત્રએ રાહત અનુભવી છે. જ્યારે દાનહમાં હજુ પણ 3 કેસ એક્ટિવ હોવાની માહિતી મળી રહી છે.nદમણમાં 24મી જાન્યુઆરીએ કોરોના પોઝિટિવનો કેસ નોંધાયા બાદ એકપણ કેસ એક્ટિવ હાલ રહ્યો નથી. દમણની કોરોના અંગેની અત્યાર સુધીની સ્થિતિ ઉપર નજર કરીએ તો કુલ 1388 કેસ નોંધાયા હતા જે પૈક માત્ર એક દર્દીનું મોત થયું હતું. સંઘપ્રદેશ દમણ દીવ અને દાનહમાં અત્યાર સુધીમાં 3379 કેસ પૈકી 3374 દર્દીઓ રીકવર થયા છે જ્યારે બંને પ્રદેશ મળીને બે દર્દીના મોત થયા છે.

દાનહ આરોગ્ય વિભાગે 194 લોકોના એન્ટીજન રેપીડ ટેસ્ટ કર્યા હતા. સંઘપ્રદેશ દાનહમાં એકલ દોકલ પોઝિટિવ કેસ મળવાના કારણે સંઘપ્રદેશ હજુ સુધી કોરોના મુક્ત થઇ શકયુ નથી. જોકે, આરોગ્ય વિભાગ દ્વારા હજુ પણ કોવિડ ગાઇડ લાઇનનું સંપૂર્ણ પાલન કરી અને કરાવી રહી છે.