ક્રાઈમ:વાપીનાં ડુંગરાની સગીરા સાથે દુષ્કર્મ, બે સામે FIR

વાપીના ડુંગરામાં રહેતી સગીરા સાથે થોડા માસથી એક ઇસમ લગ્નની લાલચ આપી શારીરિક સંબંધ બાંધતો હતો. જેને લઇ તેને 5 માસનો ગર્ભ રહી જતા તેની જાણ પરિજનોને થઇ હતી. જે અંગે તેમણે પોલીસ મથકમાં ફરિયાદ કરતા પોલીસે તપાસ હાથ ધરી હતી. સગીરાના નિવેદન પ્રમાણે પોલીસે આ કેસમાં બે આરોપી સામે ગુનો નોંધ્યા હોવાની માહિતી મળી રહી છે. બંને આરોપીઓની ધરપકડ કરવા પોલીસે ચક્રો ગતિમાન કરી દીધા છે. જેઓ પકડાયા બાદ પૂછપરછમાં વધુ માહિતી બહાર આવી શકશે. જોકે પોલીસ વિભાગ તરફથી આ મામલે કોઇ સત્તાવાર માહિતી મળી શકી નથી.