આયોજન:દમણમાં ઈજનેરના વિદ્યાર્થીઓને બિલ્ડિંગ અને સંશાધન પર લેક્ચર

વાપી3 મહિનો પહેલા
  • કૉપી લિંક

કેન્દ્રશાસિત પ્રદેશ દાનહ અને દમણ દીવના પ્રશાસક પ્રફુલ પટેલના માર્ગદર્શન હેઠળ દમણ સરકારી એન્જિનિયરિંગ કોલેજ ઉચ્ચ અને ટેકનિકલ શિક્ષા વિભાગે આઈઆઈટી મુંબઈના સહયોગથી અતિથિ વ્યાખ્યાનોની શ્રેણીનું આયોજન કર્યું છે, જે દેશ સાથે વૈશ્વિક સ્તરે પણ સૌથી પ્રખ્યાત તકનીકી સંસ્થાઓમાંની એક છે.

આ વ્યાખ્યાન શ્રેણીના ભાગરૂપે, 12 અને 13 નવેમ્બરના રોજ સરકારી એન્જિનિયરિંગ કોલેજ, દમણના સેમિનાર હોલમાં આઈઆઈટી મુંબઈના સિવિલ એન્જિનિયરિંગ વિભાગના પ્રોફેસર ડૉ. અર્પિતા મોંડલ એસોસિએટ પ્રોફેસર અને ડૉ. સ્વાતિ મનોહર આસિસ્ટન્ટ પ્રોફેસર દ્વારા નિષ્ણાત સત્રનું આયોજન કરવામાં આવ્યું હતું. બિલ્ડિંગ ટેકનોલોજી અને જળ સંસાધન અને સિંચાઈ એન્જિનિયરિંગ વિષય પર લેક્ચર આપવામાં આવ્યું હતું. સિવિલ એન્જિનિયરિંગના વિદ્યાર્થીઓને આ પ્રવચનોથી ઘણો ફાયદો થયો હતો અને તેઓ આઈઆઈટી મુંબઈના પ્રોફેસર સાથે વાર્તાલાપ કરીને પણ ખુશ હતા.

ગયા અઠવાડિયે ઇલેક્ટ્રિકલ માટે લેક્ચર્સનું આયોજન કરવામાં આવ્યું હતું. આગામી સપ્તાહમાં સિવિલ અને મિકેનિકલ એન્જિનિયરિંગ વિભાગ માટે પણ ઘણા વધુ લેક્ચર્સનું આયોજન કરવામાં આવ્યું છે. આ પ્રવચન પ્રશાસકની દૂરંદેશી દ્રષ્ટિનો ભાગ છે જે કેન્દ્રશાસિત પ્રદેશ દાનહ અને દમણ દીવને તબીબી, ટેકનિકલ, ફેશન, કાનૂની શિક્ષણ, ઇન્ફોર્મેશન ટેક્નોલોજી અને કાનૂની શિક્ષણના ક્ષેત્રમાં વિશ્વ સ્તરીય શિક્ષણ પ્રદાન કરતા પ્રદેશના અગ્રણી શિક્ષણ કેન્દ્ર તરીકે વિકસાવવાની દીર્ઘદ્રષ્ટિનો એક ભાગ છે. `

અન્ય સમાચારો પણ છે...