મંડે પોઝિટિવ:અકસ્માતો અટકાવવા વાપીના કેમિકલ સહિતના ઉદ્યોગોનું સેફટી ઓડિટ કરવાનો નિર્ણય લેવાયો

વાપી જીઆઇડીસીની પેપરમિલોમાં અગાઉના વર્ષોમાં અતિશય અકસ્માતો થતાં હતાં. ફેટલોની સંખ્યા વધતાં પેપરમિલોએ બે વખત સેફટી ઓડિટ કરાવતાં અકસ્માતોનું પ્રમાણ એકદમ ઘટી ગયુ છે. આ પ્રયોગને પુન: સફળ બનાવવા વીઆઇએ દ્વારા સેફટી ઓડિટ કરાવાનો નિર્ણય કર્યો છે. માર્ચના પ્રથમ અઠવાડિયાથી વાપીના કેમિકલ સહિત નાના ઉદ્યોગોમાં સેફટી ઓડિટનો પ્રાંરભ થશે.વાપીના નાના ઉદ્યોગોમાં અકસ્માતો ઘટાડવા વીઆઇએ દ્વારા સેફટી ઓડિટ માટે કન્સલટન્ટો કામગીરી આપવાની તૈયારી કરવામાં આવી છે.

ઇલેકટ્રિક,કેમિકલ અને મેકેનિકલ સેફટીની ચકાસણી બાદ જરૂરી સુધારા વધારા કરવામાં આવશે. સતત 6 માસ સુધી આ ડ્રાઇવ ચાલુ રાખવાનો નિર્ણય વીઆઇએ દ્વારા કરવામાં આવ્યો છે. વાપીના કેમિકલ અને નાના ઉદ્યોગોમાં અકસ્માતોની સંખ્યા ઘટે તેવા ઉદેશ્ય સાથે માર્ચના પ્રથમ અઠવાડિયામાં સેફટી ઓડિટનો પ્રાંરભ થશે. ટેકનિકલ અને લિગલ ઓડિટ કરવામાં આવશે. અગાઉ પેપરોમિલોમાં સૌથી વધારે અકસ્માતો થઇ રહ્યાં હતાં.

પેપરમિલોમાં બે વખત સેફટી ઓડિટ કરવામાં આવતાં અકસ્માતનો સંખ્યા એકદમ ઓછી થઇ ગઇ હતી. આ પ્રોજેકટ ફરી કરવા વીઆઇએ ઓફિસ બેરરની ટીમે સેફટી ઓડિટ કરવાનો નિર્ણય કર્યો છે. જો કે હવે સેફટી ઓડિટથી ઉદ્યોગોમાં અકસ્માતો ઘટે છે કે કેમ તેના પર સૌની મીટ રહેશે.

નાના ઉદ્યોગો અને વીઆઇએ ખર્ચ ઉપાડશે
સેફટી ઓડિટનો ખર્ચ વીઆઇએ તથા નાનાઉદ્યોગો મળીનેકરશે. કુલખર્ચ અંગે ત્રણ એજન્સી પાસે ભાવ મંગાવ્યાં છે, પરંતુ લાંબા ગાળા સુધી અકસ્માતો ન થાય તે મુજબ આયોજનકરવામાઆવ્યુછે.- પ્રકાશભદ્રા,પ્રમુખ,વીઆઇએ,વાપી