ધરપકડ:વાપીમાં સિલિન્ડરમાંથી ગેરકાયદે ગેસ રીફિલિંગ કરતા એક ઝડપાયો, બજારમાં ઊંચી કિંમતે વેચતો હતો

વાપીના છરવાડા રમઝાન વાડીમાં શનિવારે રાત્રે એક દુકાનમાં ગેરકાયદે ગેસ રીફિલિંગની ચાલતી પ્રવૃતિ સામે એસઓજીની ટીમે કાર્યવાહી કરીને એક આરોપીની ધરપકડ કરી હતી.\nછરવાડા સ્થિત રમઝાન વાડીમાં આવેલી ચંપક કાળીદાસ પટેલની ચાલીની એક દુકાનમાં મોટા ગેસ સિલિન્ડરમાંથી ગેરકાયદે કોઇપણ જાતના સાધન સામગ્ર વિના નાના સિલિન્ડરમાં ગેસ ભરવાની કામગીરી ચાલી રહી હોવાની બાતમી એસઓજી ટીમને મળી હતી.

આ બાતમીના આધારે એસઓજીએ ત્યાં રેઇડ કરીને દુકાનના માલિક ત્રિલોકકુમાર બાલેશ્વર પ્રસાદની ધરપકડ કરી હતી. આરોપી દુકાનમાં કોઇપણ સત્તાધીકાર પાસેથી લાયસન્સ લીધા વિના જ રાંધણ ગેસ સિલિન્ડરમાંથી ગેસ કાઢીને નાના સિલિન્ડરમાં ભરીને કાળા બજારમાં ઊંચા ભાવે વેચાણ કરતો હતો. પોલીસે દુકાનમાં નાની અને મોટી સાઇઝના સિલિન્ડર સહિત અન્ય સામાન મળી કુલ 6, 300નો મુદ્દામાલ કબજે લઇ વધુ તપાસ હાથ રી છે.