ફી ઉઘરાવવા દબાણ શરૂ:ફી ભરો નહિ તો પરીક્ષા ન લેવાય, મેસેજથી વાલીઓ અકળાયા હતા

વાપીની કેટલીક ખાનગી શાળાઓએ વિદ્યાર્થીઓની બાકી ફી માટે વાલીઓને લેટર લખ્યાં છે. આ લેટરો હાલ સોશિયલ મિડિયામાં પણ વાઇરલ થયાં છે. આ લેટરમાં એવો ઉલ્લેખ કરાયો છે કે વિદ્યાર્થીઓની બાકી ફી ભરવામાં ન આવે પરીક્ષા આપવા દેવામાં આવશે નહિ એવો ઉલ્લેખ કરાયો છે. જેને લઇ વાલીઓમાં આક્રોેશ છે. એક તરફ કોરોનાકાળમાં વાલીઓના ધંધા બંધ છે અને બીજી તરફ શાળાના આવા મેસેજથી વાલીઓમાં રોષ વધી રહ્યો છે.

વાપી સહિત વલસાડ જિલ્લામાં છેલ્લા 1 વર્ષથી કોરોનાના કેસોના કારણે શાળાઓ બંધ જેવી રહી હતી. ફી પણ સરકારે આ વર્ષે રાહત આપી હતી,હવે શાળાઓમાં વાર્ષિક પરીક્ષા અને બોર્ડની પરીક્ષા લેવામાં આવનાર છે, પરંંતુ હાલ વાપીની કેટલીક ખાનગી શાળાઓ વિદ્યાર્થીઓની બાકી ફી માટે વાલીઓને દબાણ કરી રહી હોવાના આક્ષેપો વાલીઓ કરી રહ્યાં છે.

કેટલીક શાળાઓએ બાકી ફી માટે વાલીઓને લેટર લખ્યાં છે. જેમાં એવું પણ લખવામાં આવ્યુ છે કે વિદ્યાર્થીની બાકી જમા કરવામાં ન આવે તો પરીક્ષા લેવામાં આવશે નહિ તેવો ઉલ્લેખ કરાયો છે. જેને લઇ વાલીઓમાં આક્રોશ છે. કારણ કે કોરોના કાળમાં વાલીઓના વેપાર-ધંધાને બહુ જ અસર થઇ છે. સમગ્ર વર્ષમાં વાલીઓની આર્થિક સ્થિતિ ખરાબ થઇ હતી. ત્યારે શાળાઓએ બાકી ફી માટે લેટરો લખતાં શાળાના સંચાલકો સામે વાલીઓમાં આક્રોશ વધી રહ્યો છે. ફીના મુદે શાળાઓ અને વાલીઓ વચ્ચે આગામી દિવસોમાં વિવાદ થવાની પુરેપુરી સંભાવના વધી રહી છે.