મુદ્દા માલ જપ્ત:પ્રતિબંધ હોવા છતાં ગુજરાતમાં ગુટખાનું ઉત્પાદન થવાની ભીંતિ

દેશમાં ગુટખા ઉપર પ્રતિબંધ બાદ કંપનીઓએ પાન-મસાલા અને તમાકુનો ઉત્પાદન અલગથી શરૂ કર્યો હતો. જ્યારે મહારાષ્ટ્રમાં આ બંને ઉપર પ્રતિબંધ હોવાથી ગુજરાતથી મોટી માત્રામાં પાનમસાલા અને તમાકુ ગેરકાયદે રીતે વેપારીઓ ઘૂસાડી રહ્યા છે. રવિવારે વાપીના યુપીએલ બ્રીજ પાસેથી પોલીસે એક કન્ટેનર પકડી અંદર ચકાસણી કરતા લાખો રૂપિયાના ગુટખાના પાઉચો મળી આવ્યા હતા.

જેથી ચાલક દત્તા ઉગ્રસેન કિરદત ઉ.વ.31 રહે.વસઇ મહારાષ્ટ્ર અને ક્લીનર અશોક રામભાઉ શેંગડે ઉ.વ.36 રહે.મીરારોડ થાણે મહારાષ્ટ્રની ધરપકડ કરી ગણતરી કરતા ગુટખાની 92 ગુણી કિં.રૂ.14,22,240 કબજે લઇ આગળની તપાસ હાથ ધરાઇ હતી. પોલીસે જાણવા જોગ ફરિયાદ લઇ ચાલક-ક્લીનરની પૂછપરછ કરતા જાણવા મળ્યું હતું કે, હિંમતનગરથી પાનમસાલા-તમાકૂ કહી ગુટખા ભરીને અપાયા હતા. ગુણીમાં ગુટખા છે કે શું તેની તપાસ કરવા સેમ્પલો એફએસએલને મોકલી દેવાયા છે.