દુર્ઘટના:દમણમાં બિલ્ડિંના ત્રીજા માળે શોર્ટ સરકીટથી આગ

દમણના મશાલ ચોક સ્થિત એક બિલ્ડિંગના ત્રીજા માળે આવેલા બંધ ફલેટમાં આગથી દોડધામ મચી હતી. દમણ ફાયર બ્રિગ્રેડની ટીમે ગણતરીના સમયમાં આગ ઉપર કાબુ મેળવ્યો હતો.\nદમણના મશાલ ચોક સ્થિત દીપાલી બિલ્ડિંગના ત્રીજા માળે આવેલા એક ફલેટમાં બુધવારે બપોરે અચાનક ધુમાડો દેખાતા સ્થાનિક રહીશોએ ફાયર બ્રિગ્રેડને કોલ કર્યો હતો.

ત્રણ ફાયર ફાયટર સ્થળ ઉપર પહોંચીને ગણતરીના સમયમાં આગ ઉપર કાબુ મેળવ્યો હતો. ઇલેકટ્રીક શોર્ટ સરકીટથી આગ લાગી હોવાનું પ્રાથમિક તપાસમાં જાણવા મળ્યું છે. ફલેટમાં ચાર યુવકો ભાડેથી રહેતા હતા જે સવારે તાળું મારીને કામ ઉપર નીકળી ગયા હોવાની કોઇ જાનહાનિ થઇ ન હતી. મશાલ ચોક જેવા ભરચક વિસ્તારમાં ધોળા દિવસે બનેલી આગની ઘટનાને લઇને સ્થાનિક રહીશો પણ દોડી આવ્યાં હતાં.