દુર્ઘટના:વાપી BOBના ઉપરના માળ પર આગથી દોડધામ

વાપી ટાઉનના સરદાર ચૌક સ્થિત બેંક ઓફ બરોડાના ઉપલા માળ પર રવિવારે બપોરે શોર્ટ સર્કિટથી આગ લાગતા દોડધામ મચી હતી. વાપી પાલિકાના ફાયર ફાઈટરે આગ ઉપર કાબૂ મેળવવાનો પ્રયાસ કર્યો હતો. બજારના મુખ્ય માર્ગ પર આગની ઘટનાના પગલે ટ્રાફિકજામની સ્થિતી ઉદભવી હતી. વાપી ટાઉન પોલીસ સ્થળ ઉપર પહોંચી બંદોબસ્ત હાથ ધરી આગ બુઝાવવાની કામગીરીમાં જોતરાયા હતા.