દુર્ઘટના:ઇજાગ્રસ્ત યુવકનું અંતે મોત

વાપી છીરીમાં બીમાર આધેડને હોસ્પિટલમાં ખસેડ્યા બાદ સારવાર દરમિયાન તેનું મોત થયું હતું. વાપીના છીરી ઉડીવાયવાડ પાસે રોડની બાજુમાં રવિવારે આશરે 52 વર્ષનો આધેડ બીમાર હાલતમાં દેખાતા સારવાર માટે પ્રથમ વલસાડ સિવિલ હોસ્પિટલમાં ખસેડાયો હતો. જ્યાંથી વધુ સારવાર માટે સુરત સિવિલ હોસ્પિટલમાં ખસેડાતા સોમવારે તેનું મોત થયું હતું.

શરીરે કેસરી કલરનો ચેક્સવાળો આખી બાયનો શર્ટ પહેરેલ આ વ્યક્તિની લાશને હાલ સુરત ખાતે કોલ્ડ રૂમમાં રાખી તેના વાલીવારસને શોધવા ડુંગરા પોલીસે આગળની તપાસ હાથ ધરી છે. મૃતક અંગે જો કોઇને માહિતી મળે તો તાત્કાલિક ડુંગરા પોલીસને સંપર્ક કરવા જણાવવામાં આવ્યું છે.