ચૂંટણી:ભીલાડવાળા બેેંકની ચૂંટણી 16 ફેબ્રુઆરીથી ફોર્મ ભરાશે, બંને પેનલોએ ઉમેદવારોના નામ મંથન

સરદાર ભીલાડવાળા પારડી પીપલ્સ બેન્કની ચૂંટણી 14 માર્ચે યોજાવાની છે. જેમાં કુલ 37756 સભાસદો મતદાનમાં ભાગ લેશે. આ માટે 12થી 16 ફેબ્રુઆરી ઉમેદવારીપત્ર મેળવાની પ્રક્રિયા શરૂ થશે. જયારે 16થી 20 ફેબ્રુઆરીથી ઉમેદવારીપત્ર ભરાશે. આ વખતે ભાજપ શાસિત પેનલ ચૂટણીમાં ઝંપલાવશે એવી જાહેરાત ભાજપ સંગઠને કરી છે. જયારે સામા પક્ષે હેમંત દેસાઇની પેનલ ચૂંટણીમાં ઉતરશે. બંને પેનલોએ હજુ સુધી ઉમેદવારોના નામો જાહેર કર્યા નથી, પરંતુ સભાસદોમાં દરેક બેઠકો પર ઉમેદવારોના નામની ચર્ચા ચાલી છે. ભાજપ પ્રેરિત પેનલનાં કોણ-કોણ ઉમેદવાર હશે તેની સભાસદોમાં ભારે આતુરતા જોવા મળી રહી છે.