હુમલો:ખેતરમાં ભાત રોપવાના મુદ્દે ચાર ઇસમોનો હુમલો

કપરાડાના દિવસીગામે ખેતરમાં ભાત રોપવાના મુદ્દે ચાર ઇસમોએ પરિવાર ઉપર લાકડાના ફટકાથી હુમલો કરી ઇજા પહોંચાડી હતી. દિવસીગામે ટોકરપાડા ફળિયામાં રહેતા નવિન અર્જુનભાઇ જાદવે કપરાડા પોલીસ સ્ટેશનમાં નોંધાવેલી ફરિયાદ મુજબ શુક્રવારે સાંજે તેમના કોટુંબિક ફુઇનો પરિવાર જેમાં કનુ ધર્માભાઇ ઠાકર્યા, રામા ધર્માભાઇ ઠાકર્યા, રાજેશ ઠાકર્યા અને ધર્મા જાતેભાઇ ઠાકર્યા તમામ રહે. લવકર શુક્રવારે સાંજે આવીને ખેતરમાં ભાત કેમ રોપ્યું એમ કહીને ઝઘડો કરીને સાથે લાવેલા લાકડાંથી હુમલો કર્યો હતો.

જેમાં ફરિયાદી નવિન જાદવ તેમની પત્ની અને માતાને ઇજા પહોંચી હતી. કપરાડા પોલીસે ઉપરોક્ત ચારેય આરોપી સામે ગુનો નોંધી વધુ તપાસ હાથ ધરી છે.