કાર્યવાહી:સેલવાસમાં પોલીસ સાથે ઘર્ષણ કેસમાંં 7 ની ધરપકડ, ડેલકર સમર્થકોને બે દિવસના રિમાન્ડ

સેલવાસ પંચાયત માર્કેટ પાસે ગત 4 એપ્રિલે ઇન્દિરા નગરના સ્થાનિકોએ સાંસદ સ્વ.મોહન ડેલકરને શ્રદ્ધાંજલિ આપવાનો કાર્યક્રમ રાખ્યો હતો જે દરમ્યાન કેટલાક લોકો દ્વારા પુતળાદહનનો પ્રયાસ કરતા તેને અટકાવવા ગયેલીપોલીસ સાથે ધક્કામુક્કી અને ઝપાઝપી થઇ હતી. જેમાં એસડીપીઓએ એક યુવાનને અટકાવવાનો પ્રયાસ કરતા સ્થાનિક મહિલાઓ અને લોકટોળાએ ઘેરાવ કરી દીધો હતો.ત્યાંથી એસડીપીઓ પોલીસ ટીમ સાથે પોલીસ સ્ટેશન પર પહોચ્યા હતા બાદમાં ડેલકર સમર્થકો દ્વારા પોલીસ સ્ટેશનની અંદર ઘુસી જઈ ધમાચકડી મચાવી હતી.

આ બનાવમાં સાત ડેલકર સમર્થકો સામે ફરિયાદ ગુનો નોંધ્યા બાદ ઇસ્લામ અલી,સ્વસ્તીક ચક્રવર્તી,પાયલ સરકાર,ગૌરાંગ સુરમા,સુષ્માં સીંગ,મયુર ચૌહાણ અને અગ્નિલ કુટીનોની ધરપકડ કરાતા ડેલકર સમર્થકોમાં આક્રોશ જોવા મળ્યો હતો. પોલિસે આ તમામને કોર્ટમાં રજુ કરતા તેઓને બે દિવસના રિમાન્ડ મંજૂર કર્યા છે. આ કાર્યવાહીને લઇ ડેલકર સમર્થકોમાં રોષ ફેલાયો છે.