તપાસ:ઇજાગ્રસ્ત બાળકીના પરિવારની હજી કોઈ ભાળ ન મળી

ખડકી રેમન્ડ કંપની નજીક નેશનલ હાઇવે પરથી થોડા દિવસ પહેલા એક બાળકી ઇજાગ્રસ્ત હાલતમાં રિક્ષા ચાલકને મળી આવી હતી જેને સાથે લઈ સારવાર કરાવી પોલીસને સોપી હતી. પોલીસે આ બાળકીના પરિવારજનોની શોધખોળ કરી રહી છે પરંતુ હજી સુધી કોઈ બાળકી નથી. પારડીમાં કોઇ બાળકી મળી આવ્યાના સમાચારથી રાજકોટનું એક પરિવાર પારડી પોલીસ મથકે દોડી આવ્યું હતું જેમની બાળકી પણ અઢી વર્ષ પહેલા હાટ બજારમાંથી વિખુટી પડી હતી.

જોકે, પરિવારે બાળકીને જોતા આ બાળકી તેમની ન હતી. હજી પણ ખડકી થી મળી આવેલી બાળકીના પરિવારની ભાળ મળી નથી.હાલ બાળકી વાપી ખાતે પરવરીશ હોસ્પિટલમાં સારવાર હેઠળ છે. પોલીસ સંવેદનસિલ બની બાળકીની ખાનગી હોસ્પિટલમાં પોતાના ખર્ચે સારવાર કરાવી રહી છે.જો કોઇને બાળકીના માતા પિતાની ભાળ મળે તો નજીકના પોલીસ મથકનો સંપર્ક કરવા જણાવાયું છે.