ધજાગરા:સ્વચ્છ પારડી લખેલ દિવાલ સામે જ ગંદકીના ઢગલાં

પારડી શહેરમાં સ્વચ્છ સર્વેક્ષણ અભિયાન અંતર્ગત વિવિધ કાર્યક્રમો કરવામાં આવી રહ્યા છે. સ્વચ્છતાના હેતુ શહેરમાં મસમોટા નગરપાલિકાએ બેનર મૂક્યા છે પરંતુ સ્વચ્છતામાં ક્યાંકને ક્યાંક પારડી નગરપાલિકા પાછળ પડી રહી છે જેવી તસવીર કેમેરામાં કેદ થવા પામી છે પારડી શહેર નો કચરો એકત્ર ભેંસલાપાડા ખાતે ઠાલવવામાં આવે છે. જ્યાં ગેટ આગળ પાલિકાએ દીવાલ પર “સ્વચ્છ પારડી ક્લીન પારડી”નું સૂત્ર લખ્યું છે.પરંતુ દીવાલ નીચે કચરો સાફ કરવાનું પાલિકા તંત્ર ભૂલી ગયું. ફક્ત કચરો સાફ કરી ગેટ અંદર જ નાંખવાનો છે પરંતું પાલિકાએ સાફ રાખવામાં પણ આળસ કરી રહી હોવાનું ફલિત થઈ રહ્યું છે.