ચોરી:પારડીના એક મોબાઈલ શોપમાં બ્લૂટૂથ ખરીદવાના બહાને નજર ચૂકવી ફોન તફડાવ્યો

પારડી જુના બસ સ્ટેન્ડ પાસે આવેલી વિજય ભાઇની ચામુંડા મોબાઈલ શોપમાં એક યુવક બ્લૂટૂથ બતાવો તેમ કહી નજર ચૂકવી એક મોબાઇલ ચોરી કપડા સાથે મૂકી ફરાર થઈ ગયો હતો જોકે વિજયને શંકા જતા તેણે દુકાનમાં લાગેલા સીસીટીવી કેમેરા ચેક કર્યા બાદ પારડીની ટોપ કોર્નર દુકાનમાં આવ્યો હતો જોગાનુજોગ આ દુકાન વિજયના ઓળખીતાની હોય સંચાલકને પહેલાથી જાણ હોવાથી તેમણે વિજયભાઇને જાણ કરતા તાત્કાલિક તેઓ દુકાને આવી એ યુવકને ઝડપી પારડી પોલીસને હવાલે કર્યો છે. ઝડપાયેલો યુવક મૂળ વેસ્ટ બંગાળનો અને હાલ પારડી બાલદા GIDCના ભાડાના મકાનમાં રહેતો હોવાનું બહાર આવ્યું છે. પોલીસે યુવકની પૂછપરછ હાથ ધરી વધુ કાર્યવાહી હાથ ધરી છે.