આપઘાત:ઘર બાંધતા આર્થિક મંદીથી સરકારી કર્મીએ ઝેરી દવા પીધી, પારડીની ખાનગી હોસ્પિટલ ખસેડાયો

પારડીના આમળી ગામે આર્થિક મંદીથી સરકારી કર્મચારીએ દવા પી આપઘાતનો પ્રયાસ કર્યો હતો. પારડી તાલુકાના આમળીગામે પટેલ ફળિયામાં રહેતો અને સુરત ખાતે પોસ્ટ ઓફિસમાં નોકરી કરતો પ્રમોદ રઘુભાઈ પટેલ ઉમર વર્ષ 25 હાલમાં તે આમળી ગામે નવું ઘર બનાવી રહ્યો છે. અને આ નવું ઘરના બાંધકામ દરમિયાન સરસામાન લાવવા માટે તેની આર્થિક મંદી અનુભવાતી હોવાથી પ્રમોદ ટેન્શનમાં રહેતો હતો.

ટેન્શનમાં રહેતો પ્રમોદે ગત શનિવારના સાંજે લગભગ સાડા ચારેક વાગ્યે તેના ઘરે ફોરેટ નામની ઝેરી દવા પી જઈ આપઘાત નો પ્રયાસ કરી દીધો હતો. આ અંગે ઘરમાં હાજર તેની માતાને જાણ થતાં તે ગભરાઇ ગયા હતા અને આ ઘટના અંગે બોરલાઈ ખાતે પરણેલી તેની દીકરી યામિનીને જાણ કરી હતી જેને પગલે યામિની આમળીગામે પહોંચી હતી અને ભાઈ પ્રમોદને બાઈક પર સારવાર માટે પારડી મોહન દયાળ હોસ્પિટલ લાવી દાખલ કર્યો છે જોકે આ મામલે પારડી પોલીસ મથકે ફરિયાદ નોંધાતા પોલીસે વધુ કાર્યવાહી હાથ ધરી છે.