આત્મહત્યા:લગ્ન માટે ખરીદી મુદ્દે પત્ની સાથે ઝઘડો, પતિનો આપઘાત

પારડીના સરોધી બરવાડી ફળિયા ખાતે રહેતા 46 વર્ષીય પ્રકાશ નગીનભાઈ પટેલ સેન્ટીંગનું કામ કરે છે. જેમની સાળીની દીકરીના લગ્ન હોવાથી પત્ની મનિષા સાથે કપડાં ખરીદી મુદ્દે બોલાચાલી થઇ હતી.જે બાદ પત્ની મનીષા રૂમમાં સૂઈ ગઈ હતી. મંગળવારે ઉદવાડા-પારડી વચ્ચે રેલવે ટ્રેક ઉપર ટ્રેન અડફેટે ક્ષતિગ્રસ્ત હાલતમાં મૃતદેહ મળ્યો હતો.

જેની જાણ થતા પારડી પોલીસે તપાસ કરતા નજીકથી બાઇક મળી હતી. આ બાઈક પ્રકાશ સરોધીની હોવાનું જણાતા તેના ઘરે જઇ મનિષાબેનને સીએચસી હોસ્પિટલ લઇ આવતા તેમણે મૃતક તેના પતિ પ્રકાશ હોવાની ઓળખ કરી હતી. કપડા ખરીદવા બાબતે તેના પતિ સાથે ગત રાત્રીએ બોલાચાલી થતા તેઓ ઘરેથી રાત્રે એકલા નીકળી ગયા હોવાનું જણાવ્યું હતું.