કાર્યવાહી:વલસાડની યુવતીને ગર્ભવતી કરી તરછોડી દેનાર યુવકની ધરપકડ, કોર્ટમાં રજૂ કરતાં જ્યુડિશ્યિલ કસ્ટડીમાં મોકલાયો

ભદેલીજગાલાલા હિંગળાજના સેહુલ ધનજીભાઇ ટંડેલ નામના યુવાનનો એક યુવતી સાથે પ્રેમસંબંધ બંધી લગ્નની લાલચે અનેક વાર દુષ્કર્મ કરી સગાઇ બાદ તરછોડી દેનાર યુવકની ધરપકડ કરાઇ છે.

લગ્નની લાલચે યુવક સેહુલ યુવતીને ફરવા લઇ જઇને તથા તેના ઘરે પત્ની જેવી રાખી મોટાભાઇના લગ્ન થયા બાદ પોતે તેણી સાથે લગ્ન કરશે તેવો ભરોસો આપી અનેકવાર શરીર સંબંધો બાંધ્યા હતા.જેના પગલે તેણીને બે માસનો ગર્ભ રહી ગયો હતો.જે યુવાને ગર્ભાપાત કરવા જણાવતાં બંન્નેની સમંતિથી એબોર્શન કરાયું હતું.

સેહુલે બીજી યુવતી સાથે કોર્ટ મેરેજ કરી લીધા છે તેમ કહી લગ્ન કરવાનો ઇન્કાર કરી દીધો હતો. જેથી યુવતીએ વલસાડ રૂરલ પોલિસ મથકમાં સેહુલ ટંડેલ વિરૂધ્ધ ફરિયાદ નોંધાવતાં પોલિસે સોમવારે તેની ધરપકડ કરી નવસારી સબજેલમાં જ્યુડિશ્યિલ કસ્ટડીમાં રવાના કરી દીધો હતો તેવું રૂરલ પોલિસે જણાવ્યું હતું.