તમારા શહેરના લેટેસ્ટ સમાચાર અને ફ્રી ઈ-પેપર મેળવો

ડાઉનલોડ કરો

મેઘો રિસાયો:વલસાડ જિલ્લામાં અત્યાર સુધીમાં 40 ઇંચ, 2015માં સૌથી ઓછા 58.86 ઈંચ વરસાદનો રેકોર્ડ તૂટવાની ભીતિથી ધરતીપુત્રોમાં ચિંતા

વલસાડ2 મહિનો પહેલા
  • કૉપી લિંક
  • 2 માસમાં સમયાંતરે વરસવાને બદલે મહદઅંશે એક સાથે વરસ્યો
  • 20 વર્ષમાં સૌથી વધુ 2019માં 124.84 ઇંચ વરસાદ થયો હતો

વલસાડ જિલ્લામાં 1 લાખ હેકટરના ખરીફ પાક લેતા 70 ટકા ખેડૂતો આકાશી ખેતી ઉપર નિર્ભર કરે છે. છેલ્લા 20 વર્ષમાં વરસાદનો ટ્રેન્ડ જોતાં સૌથી ‌વધુ 2019માં સરેરાશ 124.84 ઇંચ જેટલો મૂશળધાર વરસાદ જિલ્લામાં થયો હતો.ચાલૂ વર્ષમાં હાલ સુધી જિલ્લામાં 40.32 ઇંચ વરસાદ થયો છે,પરંતુ હજી ખેતરોમાં પાણી નથી અને ધરૂ સૂકાવાના આરે હોય વરસાદ ન થાય તો મુશ્કેલી સર્જાશે.

આ વર્ષો દરમિયાન સમયાંતરે વરસાદ ડાંગર સહિત ખરીફ પાકને પાણીની જરૂરિયાત મુજબ તો ક્યારે વધુ પડતો વરસાદ પડતાં ખેતી ઉપર વધતી ઓછી અસર જોવા મળી હતી.વલસાડ જિલ્લામા 17 જૂનથી ચોમાસુ બેઠા બાદ અત્યાર સુધીના દોઢ માસના ગાળા દરમિયાન 40 ઇંચ વરસાદ થયો જે સારી માત્રામાં હોવા છતાં આ વરસાદની સાતત્યતાના અભાવે ઘણીવાર એક સાથે પડી ગયા બાદ વરસાદ ખેંચાઇ જવાના કારણે ખેતીને પૂરતો લાભ મળી શક્યો નથી.

વલસાડ જિલ્લામાં છેલ્લા 20 વરસાદનો ટ્રેન્ડ જોતાં 2019ની સાલમાં સરેરાશ 125 ઇંચ વરસાદ થતાં પાણીની સમસ્યા તો ઉકેલાઇ ગઇ હતી,પરંતુ પૂરની પરિસ્થિતિમાં ગામો નગરોમાં ભારે ખાનાખરાબી પણ થઇ હતી.નીચાણવાળા વિસ્તારોમાં પાણી ભરાય હતા અને ખેતીને પણ મોટાપાયે નુકસાન પહોંચ્યું હતું.ચાલૂ વર્ષની સિઝનના 2 માસમાં અત્યાર સુધી સરેરાશ 40 ઇંચ વરસાદ થયો છે પરંતું હજી 2 મહિના ચોમાસાને બાકી છે ત્યારે વરસાદનો ટ્રેન્ડ કેવો રહેશે તે જોવું રહ્યું.

ડાંગર સૂકાતા ધરુવાડિયાને વરસાદની જરૂર
જિલ્લામાં ચોમાસામાં મુખ્યપાક તરીકે ડાંગરના ખેડૂતોએ જૂનમાં વરસાદ થતા વાવણી કરી દીધાં બાદ 25 જૂનથી વરસાદ ખેંચાઇ ગયો હતો.જૂલાઇમા બીજા સપ્તાહમાં વરસાદ સારો થતાં વાવણી પુરી કરાઇ હતી,પરંતુ જૂલાઇના અંતથી ફરી ચોમાસુ નબળું પડતાં જે ધરૂ નાંખ્યા હતા તે સૂકાઇ જતાં ધરૂના વિકાસ માટે વરસાદની જરૂર છે.હજુ માફકસર વરસાદ પડે તો બાકીની રોપણી થઇ જાય તેવી અપેક્ષા ખેડૂતો સેવી રહ્યા છે.> ઉત્તમભાઇ પટેલ,ખેડૂત, પારનેરાપારડી

ગ્લોબલ વોર્મિંગના પરિબળોથી પેટર્ન બદલાયા કરે છે
પર્યાવરણની અનુકુળ સ્થિતિ હવામાન સંકળાયેલી હોય છે.ગ્લોબલ વોર્મિંગ છેલ્લા ઘણા વર્ષોથી વિશ્વ માટે ચિંતાનો વિષય છે.આ સાથે અન્ય પરિબળોથી વરસાદની પેટર્ન બદલાયા કરતી હોવાનું પ્રાથમિક રીતે અનુમાન થઇ શકે છે.પર્યાવરણની જાળવણી ખુબ જરૂરી છે.જે વરસાદ માટે મહત્વનું પરિબળ છે.> ડો.જયેશ નાયક,હવામાનના જાણકાર

છેલ્લા 10 વર્ષમાં ત્રણ વખત વરસાદે સદી નોંધાવી હતી

વર્ષમિમિઇંચસરેરાશ
20111141576.12283
2012913660.91827
20131439395.952878
20141176378.421960
2015882958.861471
201615002100.012500
201715116100.772519
20181364790.982274
201918726124.843121
20201222481.492037

​​​​​​​

અન્ય સમાચારો પણ છે...