હુમલો:વલસાડ RTOમાં ટેસ્ટ માટે આવેલા પૂત્રના માતાપિતાને 3એ માર માર્યો

લસાડ ઝરણા પાર્ક અબ્રામા ખાતે રહેતા પોલાભાઇ ભીખાભાઇ રાઠોડે સિટી પોલિસમાં નોંધાવેલી ફરિયાદ મુજબ તેઓ અને તેમના પત્ની મંજુબેન સાથે પૂત્ર યશનું ફોર વ્હિલરનું પાકુ લાયસન્સ કઢાવવા માટે આરટીઓમાં બુધવારે ટેસ્ટ અપાવવા સાથે ગયા હતા.

દરમિયાન નજીકના બાકડા ઉપર એજન્ટો બેસેલા હતા તેમાંથી પ્રવિણ ખુશાલભાઇ પટેલે ગેટની બહાર નિકળી જવા કહેતા મંજુબેને તમે કોણ છો તેમ કહેતા તમોને સંભળાતુ નથી તમે બહાર જાઓ તેમ કહી પ્રવિણે પોલાભાઇનો કોલર પકડી ગાળો આપી ગેટની બહાર લઇ બીજા બે જણાએ પણ આવી પેટના ભાગે માર માર્યો હતો.પત્ની મંજુબેનને પણ ધક્કો મારી નીચે પાડી નાંખી હતા.આ મામલે પ્રવિણ પટેલ સહિત 3 વિરૂધ્ધ ફરિયાદ નોંધાવી હતી.