કાર્યવાહી:વલસાડમાં 40 વર્ષ જૂના જર્જરિત 2 એપાર્ટમેન્ટને અંતે પાલિકાએ કોર્ડન કર્યા

વલસાડ શહેરના બેચર રોડ ઉપર આવેલા લક્ષ્મી ચેમ્બર અને વિષ્ણુ ચેમ્બરના એપાર્ટમેન્ટો 40થી વધુ વર્ષ જૂના અને જર્જરીત હોય પાલિકાએ કોર્ડન કરી દીધા હતાં. 5 વર્ષથી આ એપાર્ટમેન્ટોમાં નીચે આવેલી 15 દૂકાનો અને લગભગ 24 ફલેટોના રહીશોને ખાલી કરવા નોટિસ જારી કરી હતી.પરંતું કોઇ વ્યવસ્થા ન થતાં રહીશોએ તાત્કાલિક ‌ફ્લેટો ખાલી કર્યા ન હતા.દૂકાનદારોનો દૂકાનો ખાલી કરી નવા એપાર્ટમેન્ટના બાંધકામનો પ્રશ્ન હોવાથી કોઇ નિર્ણય આવી શક્યો ન હતો.

જો કે વર્ષો નિકળી જવા છતાં પાલિકા દ્વારા આ જર્જરિત એપાર્ટમેન્ટોની હાલત ખંડર જેવી થવા માડતાં પાલિકાએ ભયજનક બિલ્ડિંગ ખાલી કરવા અંતિમ નોટિસો આપી હતી.મોટાભાગના રહીશો તો લાંબા સમયથી ફલેટ બંધ કરી ગયા હતા.બાકી રહેલા અમુક જૂજ રહીશોએ છેલ્લા 1 વર્ષથી બિલ્ડિંગો ધીમે ધીમે ખાલી કરવા માડી હતી અને દૂકાનદારોએ પણ ક્રમશ: દૂકાન બંધ કરી દેતા છેવટે આ બંન્ને એપાર્ટમેન્ટો ખાલી કરી દેવામાં આવતાં રોડ સાઇડે કોર્ડન કરી લેવામાં આવ્યું છે.