મંદિરમાં ચોરી:સરીગામ નજીક સાંઈ મંદિરમાં તસ્કરો ત્રાટ્કયા, દાનપેટીમાં રોકડ રકમની ચોરી કરી ફરાર

વલસાડ જિલ્લાના સરીગામ નજીક પુનાટ નાડા ફળિયા પાસે આવેલા સાંઈ મંદિરમાં તસ્કરોએ ત્રાટકી રોકડ રકમની ચોરી કર્યાની ઘટના બની છે.

પુનાટ નાડા ફળિયા સાંઈ મંદિરનો પાછળનો દરવાજો તોડી તસ્કરોએ મંદિરમાં પ્રવેશ કર્યો હતો. મંદિરમાં રહેલી દાનપેટી ઉઠાવી તસ્કરો ફરાર થઈ ગયા હતા. ત્યારબાદ મંદિરની પાછળ આવેલી વાડીમાં તસ્કરોએ દાનપેટી તોડી પૈસા લઈ ફરાર થઈ ગયા હતા. ખાલી દાનપેટી વાડીમાં જ નાખી દીધી હતી.

મંદિરમાં ચોરી થયાની જાણ થતા જ મંદિરના આગેવાનોએ ભીલાડ પોલીસને જાણ કરી હતી. પોલીસની ટીમે વધુ તપાસ હાથ ધરી છે.