એડવેન્ચર તાલીમ:ધરમપુરના આવધા ઘાટ ખાતે ખડક ચઢાણ એડવેન્‍ચર તાલીમ યોજાઇ

ગુજરાત રાજ્ય કમિશનર યુવક સેવા અને સાંસ્‍કૃતિક પ્રવૃતિઓ હસ્‍તકની જિલ્લા રમત ગમત કચેરીના જિલ્લા યુવા વિકાસ અધિકારી વલસાડ દ્વારા ભાઈઓ-બહેનો માટે ખડક ચઢાણ એડવેન્‍ચર તાલીમ કાર્યક્રમ વલસાડ જિલ્લાના ધરમપુર તાલુકાના આવધા ઘાટ ખાતે યોજાઇ હતી. આ એડવેન્‍ચર ટ્રેનિંગમાં યુવાન ભાઈ-બહેનોએ ઉત્‍સાહભેર ભાગ લીધો હતો. રામ આગરે, હિતેષભાઈ પ્રજાપતિ તેમજ રાહુલભાઈના માર્ગદર્શન હેઠળ યુવાનોને ફલાઇંગ ફોકસ, વેલી ક્રોસિંગ, કાર્ગોનેટ, રેપલિંગ, ટાઈગર વોક જેવી પ્રવૃતિઓ કરાવવામાં આવી હતી. યુવાનોમાં રહેલ સુષુપ્‍ત શક્‍તિઓને વિકસિત કરવા અને પર્વતારોહણના કૌશલ્‍ય વધારવા માટે બેઝીક તાલીમનું આયોજન કરવામાં આવ્‍યું હતું. આ કાર્યક્રમ જિલ્લા યુવા વિકાસ અધિકારી મીતાબેન ગવલી, રમત ગમત અધિકારી મહેશભાઈ પટેલ, તેમજ પ્રાંત યુવા વિકાસ અધિકારી દિનેશભાઈ નાડોદાના માર્ગદર્શન હેઠળ સફળતાપૂર્વક પૂર્ણ કરવામાં આવ્‍યો હોવાનું જિલ્લા યુવા વિકાસ અધિકારી વલસાડ દ્વારા જણાવાયું છે.