વિતરણ:અટાર વૃદ્ધાશ્રમમાં પોલીસે ફટાકડા-મીઠાઈ વહેંચી

વલસાડ એસપી રાજદીપસિંહ ઝાલાના માર્ગદર્શન મુજબ ગરીબ અને અનાથ બાળકોને દિવાળી પર્વ નિમિત્તે ફટાકડા અને મીઠાઈ સીટી પોલીસ મથક દ્વારા આપવામાં આવી હતી. સીટી PI HJ ભટ્ટના હસ્તે ફટાકડા અને દિવાળીની મીઠાઈ ધરાસણા બાળગૃહ ખાતે બાળકોને આપી હતી.

અટાર વૃદ્ધાશ્રમમાં રહેતા વડીલોને દિવાળી નિમિત્તે મીઠાઈ આપવામાં આવી હતી. સીટી PI ભટ્ટે વૃદ્ધોના આશીર્વાદ મેળવ્યા હતા.પોલીસ વિભાગના આ કાર્યની વૃદ્ધા આશ્રમના સંચાલકો તેમજ નગરના અગ્રણીઓ દ્વારા સરાહના કરવામાં આવી રહી છે. પોલીસનું અહીં બીજુ રૂપ જોવા મળ્યું છે.