ઉત્તરાયણના દિવસે આ બાબતોનું ધ્યાન રાખવું:વલસાડ જિલ્લામાં પર્વ નિમિત્તે તંત્ર દ્વારા સુરક્ષાલક્ષી ગાઈડલાઈન બહાર પાડવામાં આવી

વલસાડ24 દિવસ પહેલા
  • કૉપી લિંક

ગુજરાત રાજ્ય આપત્તિ વ્યવસ્થાપન સત્તામંડળ અને વલસાડ જિલ્લા ડિઝાસ્ટર મેનેજમેન્ટ દ્વારા ઉતરાયણ પર્વ-2023 સંદર્ભેની ઉજવણીને ધ્યાનમાં લઈ લોકોની સુરક્ષા અને અકસ્માતો ના થાય તે માટે કેટલાક જરૂરી સૂચનો કર્યા છે. ઉતરાયણ પર્વમાં ઘણીવાર દોરીથી કપાવાની ઘટના, વીજ કરંટ લાગવાની ઘટના કે ધાબા પરથી પડી જવા જેવા અક્સ્માતો થાય છે જેને અટકાવવા માટે નિવાસી અધિક કલેક્ટર એ. આર. ઝાએ નીચે મુજબની સાવચેતીઓ રાખવા જણાવ્યું છે:

ઉતરાયણ સમયે આટલુ કરો
(1)પ્રાથમિક સારવાર કિટ તૈયાર રાખો, (2)માણસો, પશુઓ, વાહનોથી સાવચેત રહો (3) પતંગ ચગાવવા ધાબાની પાળીની ઉંચાઈ પૂરતી છે કે નહી તેની ખાતરી કરો (4)માથા પરથી પસાર થતા વીજળીના તારથી દૂર રહો (5)ધાબા કે આગાશે કરતાં ખુલ્લા મેદાનમાં પતંગ ચગાવવાનું પસંદ કરો (6) પતંગ ચગાવતા બાળકોની વાલીઓએ દેખરેખ રાખવી, (7) ત્રણ ‘સ’ યાદ રાખો સમજદારી, સદભાવ, સાવચેતી (8) સવારે ૬ થી ૮ અને સાંજે ૫ થી ૭ વાગ્યાના ગાળામાં પક્ષીઓ આકાશમાં વધુ પ્રમાણમાં વિહરતા હોવાથી આ સમયગાળામાં પતંગ ચગાવવાનું ટાળો.

ઉતરાયણ સમયે ન આટલુ કરો.
(1) સિન્થેટિક વસ્તુ/પ્લાસ્ટિકના ઉપયોગથી બનેલી કે ચાઈનીઝ દોરીનો ઉપયોગ (2) વીજળીના તારમાં ફસાયેલા કે સબસ્ટેશનમાં પડેલા પતંગને પાછો મેળવવાની લાલચ ન કરો (3) લૂઝ કપડાં ન પહેરવા (4)ગીચ વિસ્તારોમાં પતંગ ન ચગાવવા (5)મકાનની ઢાળવાળી છત ઉપર પતંગ ના ચગાવવા (6) કપાયેલા પતંગને લેવા માટે છત ઉપર દોડવું નહી (7) થાંભલા કે મકાનમાં ફસાયેલા પતંગને પાછો મેળવવા પથ્થર ફેંકવો નહીં

કોઈપણ દુર્ઘટના કે આપત્તિના સમયે કંટ્રોલ રૂમ ટોલ ફ્રી નં.02632-243238, ઈમરજાન્સી ટોલ ફ્રી નં.108 અને કરૂણા અભિયાન ટોલ ફ્રી નં.1962 ઉપર સંપર્ક કરી શકાશે.

અન્ય સમાચારો પણ છે...