ચૂંટણી:જિલ્લામાં છેલ્લા 4 દિવસમાં જિ.તા.પં.ના 11 ફોર્મ ભરાયા, ધરમપુરમાં 5,પારડીમાં 3 ફોર્મ ભરાયા

જિલ્લામાં ઉમેદવારી પત્રો ભરવાના છેલ્લા 4 દિવસમાં 11 ફેબ્રુઆરી,ગુરૂવાર સુધીમાં કુલ 11 ફોર્મ ભરાયા છે.જેમા સૌથી વધુ ધરમપુર અને પારડી તાલુકામાં રજૂ કરવામાં આવ્યા છે.ઉમેદવારી પત્ર રજૂ કરવાની છેલ્લી તારીખ 13 ફેબ્રુઆરી છે ત્યાં સુધી ભાજપ અને કોંગ્રેસ ઉપરાંત અપક્ષો દ્વારા ફોર્મ રજૂ કરાશે. જિલ્લા પંચાયતની 38 બેઠક માટે અત્યાર સુધી માત્ર 2 ફોર્મ ચૂંટણી અધિકારી સમક્ષ રજૂ કરાયા છે.

જ્યારે વલસાડ તાલુકા પંચાયતની બેઠકો માટે 1 ફોર્મ,પારડી તા.પં.ની બેઠકો માટે 3 ફોર્મ,વાપી,ઉમરગામ અને કપરાડા તા.પં.ની ચૂંટણી માટે કોઇપણ ફોર્મ રજૂ કરાયા નથી.જ્યારે ધરમપુર તાલુકા પંચાયતની ચૂંટણી બેઠકો માટે 5 ઉમેદવારી પત્રો ભરાઇ ચૂક્યા છે.આમ જિલ્લા પંચાયત બેઠક માટે 2 અને તાલુકા પંચાયતોની ચૂટણી માટે 9 ઉમેદવારી પત્રો છેલ્લા 4 દિવસમાં રજૂ કરવામાં આવ્યા છે.