પાલિકાની કડક કાર્યવાહી:વલસાડ પાલિકાએ 16 દિવસમાં 1.14 કરોડના વેરાની વસુલાત કરી, 250થી વધુ મિલકત સિલ કરી, 550 જેટલા નળ કનેક્શન કાપવામાં આવ્યા

વલસાડ નગર પાલિકા દ્વારા શહેરમાં લાંબા સમયથી વેરો બાકી રાખતા મિલકત ધારકો સામે કડકાઇથી કાર્યવાહી હાથ ધરવામાં આવી છે. ઘણા સમયથી નગર પાલિકાનો મિલકત વેરો ન ભરતા મિલકત ધારકોને વારંવાર નોટિસ પાઠવવા છત્તા વેરો ન ભરતા પાલિકાની ટીમે 16 માર્ચ સુધીમાં 250થી વધુ મિલકતો સિલ કરી 550 જેટલા નળ કનેક્શન કાપવામાં આવ્યા છે. જ્યારે 800થી વધુ લોકોને મિલકત જપ્તિની નોટિસ બજાવવામાં આવી છે. 16 દિવસમાં નગર પાલિકાની વેરા વસુલતની ટીમે કુલ 1.14 કરોડના વેરાની વસુલાત કરી છે. આજ રોજ તિથલ રોડ ઉપર આવેલી સાઈ લીલા સોસાયટીમાં 16 ફ્લેટ ધારકોએ ઘણા સમયથી વેરો ન ભરતા નળ કનેક્શન કાપવામાં આવ્યાં હતા.

વલસાડ પાલિકા હદ વિસ્તારોમાં પાણી, સ્ટ્રીટલાઇટ, ડ્રેનેજ અને આરોગ્યને લગતી સેવાઓ માટે ભરવાપાત્ર વેરા જમા કરવા 2022માં પાલિકાએ પ્રારભિક માગણા બિલો રવાના કરી દીધાં હતા. નગર પાલિકા હદ વિસ્તારમાં આવેલી 52 હજારથી વધુ મિલકત ધારકોને એડવાન્સ વેરો જમા કરાવવા રાજ્ય સરકાર અને પાલિકાએ વળતર સ્કીમનો પણ લાભ આપ્યો હતો. જે પૈકી 3 વર્ષથી વધુ વેરો બાકી રહેતા મિલકત ધારકો પાસે નગર પાલિકાની ટીમે કડક કાર્યવાહી હાથ ધરી છે. વલસાડ શહેરના તિથલ રોડ, શહીદ ચોક, નાના તાઈવાડ સહિતના વિવિધ વિસ્તારોમાં વેરો બાકી રાખતા મિલકત ધારકો સામે કાર્યવાહીને વધુ કડક કરવા આવી હતી. જેમાં 3 વર્ષ ઉપરાંતથી પાલિકાનો મિલકત વેરા ન ભરતા 7 મિલકત ધારકોની મિલકત સિલ કરવામાં આવી હતી. નગર પાલિકાની કડક કાર્યવાહી દરમ્યાન મિલકત ધરકોએ બાકી વેરો સ્થળ ઉપરથી જમા કરાવતા સ્થળ ઉપર વેરો વસુલવામાં આવ્યો હતો.

આજરોજ વેરા વસુલતની કામગીરી દરમ્યાન કુલ 1.85 લાખથી વધુનો બાકી વેરાની વસુલાત કરવામાં આવી હતી. આજ રોજ વલસાડ નગર પાલિકા ખાતે કુલ 8.27 લાખના વેરાની વસુલાત નગર પાલિકાના હાઉસ ટેક્સ વિભાગે કરી હતી. 27 જેટલી મિલકત ધારકોને જપ્તિની નોટિસ બજાવવામાં આવી છે. તિથલ રોડ ઉપર આવેલી સાઈ લીલા સોસાયટીમાં આવેલા 16 મિલકત ધારકો ઘણા લાંબા સમયથી વેરો ન ભરતા આખી સોસાયટીના નળ કનેક્શન કાપવામાં આવ્યા છે. વલસાડ નગર પાલિકાની ટીમે 16 માર્ચ સુધીમાં વલસાડ નગર પાલિકાની ટીમે 16 માર્ચ સુધીમાં 250થી વધુ મિલકતો સિલ કરી 550 જેટલા નળ કનેક્શન કાપવામાં આવ્યાં છે. જ્યારે 800થી વધુ લોકોને મિલકત જપ્તિની નોટિસ બજાવવામાં આવી છે.

16 દિવસમાં નગર પાલિકાની વેરા વસુલતની ટીમે કુલ 1.14 કરોડના વેરાની વસુલાત કરી છે. વેરા વસુલતની કામગીરી માટે પાલિકાના ટેક્સ સુપરિટેન્ડન્ટ રમણભાઈ રાઠોડ, નગર પાલિકાના ઇન્ટરનલ ઓડિટર કમલેશ ભંડારી અને હેડ ક્લાર્ક પ્રવીણ ચાસિયા સહિત નગર પાલિકાની ટીમોએ કામગીરી હાથ ધરી હતી.