કાર્યવાહી:સેલવાસની 3 દુકાનમાંથી ઈ-સિગરેટ હુક્કા, ફલેવરવાળા તમાકું મળી આવ્યા

દાદરા નગર હવેલી અને દમણ દીવ સ્વાસ્થ્ય વિભાગ અને ખાદ્ય સુરક્ષા વિભાગ દ્વારા કલેકટરના દિશાનિર્દેશ અનુસાર સેલવાસની કેટલીક કપડાની દુકાનોમાં ફેશનેબલ કપડાની સાથે તંબાકુ પદાર્થ પ્રતિબંધિત ઈ સિગરેટ જેવી વસ્તુઓ પણ વેચતાં હતાં એવી જાણકારી મળી હતી.

સ્વાસ્થ્ય વિભાગે બે ટીમ બનાવી ત્રણ દુકાનો પર એક સાથે એક જ સમયે રેડ પાડી જેમાં એ.જે.ફેશન,આમલી.યંગ બ્લડ,આમલી અને હીરોઝ-2 મુકતા હોસ્પિટલ પાસે ઝંડાચોક.આ દુકાનોમાં ચકાસણી કરતાં ઘણી બધી પ્રતિબંધિત ચીજો જેમાં ઈ-સિગરેટ,અલગ અલગ સ્વાદનાં તંબાકુ,વેપ સ્મોક મશીન મળી આવ્યા હતા જેની અંદાજીત કિંમત 47210 રૂપિયા જે અધિકારીઓએ જપ્ત કર્યા હતા.અને ખાદ્ય સુરક્ષા કાયદાની ધારાઓ અંતર્ગત કાર્યવાહી હાથ ધરવામાં આવી છે.