સુવિધા:વલસાડ કલેકટર કચેરી ખાતે કલેકટર ક્ષિપ્રા આગ્રેએ કમાન્ડ અને કંટ્રોલ સેન્ટરનું ઉદ્ઘાટન કર્યું

વલસાડ2 મહિનો પહેલા
  • કૉપી લિંક

વલસાડ જિલ્લાની કલેક્ટર કચેરી ખાતે રાજ્ય સરકારની તમામ સરકારી યોજનાઓના લાભાર્થીઓની વિગત એકજ જગ્યાએ મળી રહે તે માટે કમાન્ડ કંટ્રોલ કચેરી શરૂ કરવામાં આવી છે. જેમાં લાભાર્થીઓની જરૂરી વિગતો એક જ સ્થળેથી સરળતાથી મળી રહેશે. કમાન્ડ કંટ્રોલ કચેરીનું ઉદ્ઘાટન વલસાડ જિલ્લા કલેકટરના હસ્તે કરવામાં આવ્યું હતું.

વલસાડ કલેકટર કચેરી ખાતે કલેકટર ક્ષિપ્રા એસ. આગ્રેના હસ્તે જિલ્લા વિકાસ આધિકારી મનીષ ગુરવાની અને નિવાસી અધિક કલેક્ટર અનસુયા ઝાની ઉપસ્થિતીમાં કમાન્ડ અને કંટ્રોલ સેન્ટરનું ઉદ્ઘાટન કરવામાં આવ્યું. આ સેન્ટરમાં રાજ્ય સરકારની વિવિધ યોજનાઓ અંતર્ગત વલસાડ જિલ્લામાં થયેલ કામગીરીનું વિવિધ સેકટર જેવા કે, આરોગ્ય, શિક્ષણ, ખેતીવાડી, કૌશલ્ય વિકાસ, આંતરમાળખાકીય સવલતોના જરૂરી નિર્દેશકો થકી થયેલી પ્રગતિની ડેટા એન્ટ્રી, મોનિટરીંગ અને સમીક્ષાની કામગીરી હાથ ધરવામાં આવશે. આ ઉપરાંત કંટ્રોલ અને કમાન્ડ સેન્ટર ખાતે વલસાડ જિલ્લાની વિવિધ યોજનાકીય તેમજ વહીવટી માહિતીની ડેટા એન્ટ્રી કરી ડેટા તૈયાર કરવામાં આવશે. આ સેન્ટર દ્વારા જિલ્લા વહીવટી તંત્રને નિર્ણયો લેવામાં સરળતા રહેશે.

અન્ય સમાચારો પણ છે...