જામીન નામંજૂર:વલસાડ ન.પા.ના STP ભંગાર કૌભાંડના બે આરોપીઓની જામીન અરજી નામંજૂર

વલસાડ નગરપાલિકાનું બહુચર્ચિત STP ભંગાર કૌભાંડમાં 2 વર્ષે બાદ પાલિકાએ પોલીસ ફરિયાદ સીટી પોલીસ મથકે નોંધાવી હતી. તે કેસમાં પોલીસે પાલિકાના ડ્રેનેજ શાખાના તત્કાલીન ઇજનેર કેયુર રાઠોડ અને ભંગાર ગોડાઉન સંચાલકનો કામદાર ભંગાર કટિંગ કરનાર મહમદ હારૂન યુસુફ શેખની સીટી પોલીસે ધરપકડ કરી હતી.

જે કેસમાં વલસાડ સેશન્સ કોર્ટમાં ભંગાર કૌભાંડમાં સંડોવાયેલા બન્ને આરોપીઓએ શનિવારે રેગ્યુલર જામીન અરજી મુકી હતી. ડીજીપી અનિલ ત્રિપાઠીની દલીલોને ગ્રાહ્ય રાખીને ઇજનેર અને ભંગારના ગોડાઉનમાં કામદારના રેગ્યુલર જામીન અરજી સેશન્સ કોર્ટના જજ એમ કે દવેએ નામંજૂર કરતો હુકમ કર્યો હતો.